“Suesueina o Tusitusiga Paia: Pipiimau i le Afioga a le Atua,” Tusi Lesona a Tagata o le Vasega o le Tusi a Mamona (2024)
“Suesueina o Tusitusiga Paia,” Tusi Lesona a Tagata o le Vasega o le Tusi a Mamona
Faatomuaga o Anomea
Suesueina o Tusitusiga Paia
Pipiimau i le Afioga a le Atua
E tulaga ese tusitusiga paia i o latou gafatia e faaloloto ai le faatuatua ma le alofa i le Tama Faalelagi ma Iesu Keriso. O suesuega faifai pea ma anoa e valaaulia ai le faatuatua ma faamalosia ai o tatou olaga i aso taitasi. O le faamoemoega o lenei lesona o le faateleina lea o lou naunau ma le tomai e suesue ai i tusitusiga paia i aso taitasi ma maua faamanuiaga folafolaina e o faatasi ma le suesueina o tusitusiga paia.
Suesueina o tusitusiga paia i aso taitasi
Afai e manao se tagata ia sili atu le malosi e ala i le faia o ni push-ups, o le a se mea e tatau ona ia faia? O le a le umi e mafai ai ona vaaia lea o se malosi faasili mataina? O a ni luitau e ono mafai ona faatoilalo e se tagata?
-
E faapefea ona fesootai lenei faataitaiga i le suesueina o tusitusiga paia?
Faitau saunoaga nei mai ia Peresitene Thomas S. Monson (1927–2018) ma Julie B. Beck, sa avea ma Fesoasoani Muamua i le Au Peresitene Aoao o Tamaitai Talavou, ma toe iloilo mea na laua aoao mai e uiga i le suesueina o tusitusiga paia:
O le faaaluina o le taimi i aso taitasi i le suesueina o tusitusiga paia, o le a le masalomia le faamalolosia ai o faavae o lo tatou faatuatua ma molimau o le upumoni. (Thomas S. Monson, “Le Faavae Malosi,” Ensign po o le Liahona, Nov. 2006, 68)
E ui ou te le’i lelei atoatoa ai, … ou te faafetai ua ou amataina se mausa o le faitauina [o tusitusiga paia] i lo’u olaga atoa. O le a le mafai ona aoaoina lesona o loo i ai i tusitusiga paia, i le na o le faatasi ona faitau, pe e ala i le suesueina o ia fuaiupu filifilia i se vasega. (Julie B. Beck, “E Fiafia Lo’u Agaga i Tusi Paia,” Ensign po o le Liahona, Me 2004, 107)
-
O le a se mea sa e mauaina?
Mafaufau pe o a ni ou lagona e uiga i au suesuega o tusitusiga paia.
-
I lau api talaaga o le suesueina o tusitusiga paia, faamaea mea nei:
Pepa e tufa atu: “Iloiloga o le Suesueina o Tusitusiga Paia”
Tusi Lesona a le Faiaoga o le Tusi a Mamona (2024)—”Suesueina o Tusitusiga Paia”
© 2023 Puletaofia e le Intellectual Reserve, Inc. Ua taofia aiā tatau uma.
Faamanuiaga mo le suesueina o tusitusiga paia
Po o le a lava le tulaga na e i ai i le iloiloga talu ai, e mafai ona e tuputupu ae i lou naunau ma le tomai e maua ai faamanuiaga o tusitusiga paia. O le malamalama i faamanuiaga e o faatasi ma suesuega anoa o tusitusiga paia e mafai ona fesoasoani e faaosofia ai lena tuputupu ae.
Faitau fuaiupu nei, ma vaavaai mo faamanuiaga e maua mai le suesueina o tusitusiga paia.
-
O a upumoni e fesootai ma le suesueina o tusitusiga paia e mafai ona e faailoa mai i nei fuaiupu?
-
O fea o nei upumoni po o faamanuiaga ua oo ia te oe?
Mo faamanuiaga faaopoopo e maua mai le suesueina o tusitusiga paia, tagai “Tuu i le Faitalia: Manao e Aoao Atili?
E mafai faapefea ona ou maua ni mea se tele mai le suesueina o tusitusiga paia?
-
O le a se mea e mafai ona fesoasoani i se tagata ia faateleina ai mea na te maua mai ana suesuega o tusitusiga paia?
Faitau le saunoaga lenei a Elder D. Todd Christofferson o le Korama a Aposetolo e Toasefululua ma vaavaai mo ni tomai faaopoopo e mafai ona fesoasoani e suesue ai tusitusiga paia ia sili atu ona aoga.
O se mea lelei i nisi taimi le faitau o se tusi mai tusitusiga paia, mo sina taimi ia maua ai se lagona aoao o lana savali, ae ina ia liua, e tatau ona e manatu mamafa i le tele o le taimi e te faaaluina i tusitusiga paia, nai lo le tele o lau faitau i lena taimi. Ou te iloa o nisi taimi tou te faitauina ai ni nai fuaiupu, ona mafaufau lea i ai, ma toe faitau ma le faaeteete na lava fuaiupu, ma a o outou mafaufau pe o le a le uiga, tou te tatalo mo se malamalama, tuufesilisili i lou mafaufau, ma faatalitali mo ni lagona faaleagaga, ma tusitusi i lalo lagona ma malamalamaaga e oo mai ina ia mafai ai ona outou manatua ma aoao atili ai. O le suesue ai faapea, atonu e le tele ni mataupu po o ni fuaiupu tou te faitauina i se afa itula, ae peitai o le a e tuua ai se avanoa i lou loto mo le upu a le Atua, ma o le a fetalai atu o Ia ia te oe. (D. Todd Christofferson, “Pe a Liua Mai Oe,” Ensign po o le Liahona, Me 2004, 11)
-
O le a se mea o e vaaia i nei manatu e mafai ona faamanuia ai lou aafiaga i le suesueina o tusitusiga paia?
Faaalu le isi 5 po o le 10 minute e taumafai ai e faaaoga ia fautuaga na tuuina mai e Elder Christofferson. Faaalu se taimi e mafaufau loloto ai, toe faitau, tatalo, fai ni fesili, ma tusi ni lagona uunaia. O nisi nei o fuaitau o mau e mafai ona e faaaogaina (lagona le saoloto e filifili ni fuaitau eseese o le Tusi a Mamona).
Mosaea 3; Alema 32; 3 Nifae 11
-
O le a se aafiaga na oo ia te oe i le suesueina ai o tusitusiga paia i lenei auala?
-
E mafai faapefea e le suesue i lenei auala ona aafia ai lau suesuega patino o tusitusiga paia?
Fai se sini mo le suesueina o tusitusiga paia
O se tasi o faamoemoega o le seminare o le fesoasoani lea ia te oe ia faalatalata atili atu ia Iesu Keriso e ala i le suesue i tusitusiga paia i aso taitasi. Ina ia fesoasoani ia te oe, o loo i ai se tulaga manaomia o togi a le seminare e faitau ai le tusi o tusitusiga paia o le tausaga lenei ia le itiiti ifo ma le 75 pasene o aso o le kalena o le semesa.
Saili musumusuga e ala i le Agaga Paia e faatu ai se sini o suesuega faaletagata lava ia. Ina ia avea ma fesoasoani, amata i le ofoina atu o se tatalo e saili ai musumusuga mai le Tama Faalelagi. Mafaufau i fesili nei a o e faatuina se sini:
-
O le a le taimi ma o fea foi se nofoaga e mafai ona ou suesue ai a’u tusitusiga paia i aso taitasi?
-
O le a le tele o le taimi i aso taitasi o le a ou suesue ai?
-
O le a se mea e mafai ona ou faia e valaaulia atoatoa ai le Agaga Paia i lo’u aafiaga i le suesueina o tusitusiga paia?
-
Tusifaamau lau sini o le suesueina o tusitusiga paia ma fuafua mo le ausiaina.