21

Iotebwa Timiti e Noora Tamara are i Karawa ao Iesu Kristo

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:

Iotebwa Timiti bon ngaia te moan burabeti n ara tai. E noora ao e taetae ma te Atua te Tama ao Iesu Kristo. Rinanon te Burabeti Iotebwa Timiti, te Uea e manga kaoka te Ekaretia ni koaua ao bwaninin te euangkeerio. (Taraa Iotabwa Timiti—Rongorongo 1:9–19.)

Te Katauraoi

• Wareka Rongorongon—Iotebwa Timiti 1:9–19 ao katauraoi n taekinna ni kakimototoa te karaki ibukin te Moan Kaotioti.

• Uota kaobiin te Baibara.

• Uota kaobiin te Pearl of Great Price. Mwaakena Rongorongon—Iotebwa Timiti 1:17 bwa e aonga ni bebete rekena iroum.

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Te Karaki man Koroboki Aika Tabu

Kaota te tamnei iaon te iteraniba 90 ngkana ko kakimototoa n taekina te karaki ibukin te Moan Kaotioti (taraa Rongrongon—Iotebwa Timiti 1:9–19). Mainano bon te katooto:

Aio tamnein Iotebwa Timiti (kotea Iotebwa; kaoia ataei bwa ana taekina “Iotebwa Timiti”). E tangiria n ataia bwa aengaa te aro ae koaua. E wareware n te Baibara (kauka te Baibara) bwa ti aonga ni kona n tataro bwa tina te koaua (kaoia ataei bwa aongkoa a wareware). Iotebwa Timiti e nakon te buakonikai (kotei kaai) n titirakina Tamara are i Karawa n te tataro. Ngke e tabe n tataro, e noora te Atua te Tama ao Iesu Kristo.

Joseph in Sacred Grove

Kauka te Pearl of Great Price Rongorongon—Iotebwa Timiti 1:17 ao tuangiia ataei bwa ko na wareka te bwai are e taekinna te Atua te Tama nakon Iotebwa Timiti. Kabwarabwaraa bwa E kotea Iesu Kristo ao e kangai: “Aio Natiu ae Tangiraki. Ongo Irouna!” Kabwarabwara bwa Iesu e tuanga Iotebwa bwa are E na manga kaoka ana Ekaretia Iesu Kristo ni koaua.

Kataneiai

Manga taekina riki te karaki. Te tai aei, tuangiia ataei bwa ana teirake ma n taakin nako baiia kanga kaai ngaia n te Buakonikai ae Tabu. Tuangiia ataei bwa a na kakamwakuri rabwataia ae kanga a ukukaki n te ang ngke ko taekina rongorongon Iotebwa ngke e tataro. Imwiina ao tuangiia bwa a na tei n aki kakamwakuri ao n aki kakarongoa ngkana ko tuangiia bwa Tamara are i Karawa ao Iesu a kaoti nakon Iotebwa.

Anene

Anene ke taekin taeka aikai nakon “N tain te Tiburing ae Raka Tamaroana” (Aia Boki n Anene Ataei 88) ao karaoi mwakuri aika oti inano. Kaoia ataei bwa ana raoniko.

N tain te tiburing ae raka tamaroana, n te buakonikai ae itiaki, (tabeki baai ieta n aiaron kaai)

Te Tama ao te Nati a kaoti nakon Iotebwa ngke e tabe ni katorobubua n tataro. (katorobubua ao booti baai)

Kabaneana

Tibwaua ni kakimototoa am koaua bwa Iotebwa Timiti e noora Tamara are i Karawa ao Iesu Kristo.

Tataro

Kaoa te ataei bwa e na anga te tataro ni kainiin.

Kawai n Angareirei

Karaki: Ataei aika uarereke a uarereke aia tai ni kan ongora. Iangoi kawai aika ana irekereke ma te karaki. Ibukin te katooto, ko kona n anganiia bwa ana taui tamnei ke ni kaokioki n taekin kibu n taeka. Kabatia ni katokitokia ni kotei mwakoro n te tamnei, ao kaoti ni bon kamaanna ibukiia ataei n tatabemaniia bwa ana noori imwain ae ko waakinako ma te karaki. Taraa Teaching, No Greater Call 181.)

Anene: “Katangitangin anene aika anainano e buokiia ataei n uringa te bwai ae aneneia ao rongorongon taekana” (Teaching, No Greater Call 174). Te anene bon te kawai ae nakoraoi naba ibukin kaoan te tamnei n tain te kiraati.

Te Kakoaua: Kabwarabwaraa am kakoaua n te kawai ae bebete, man mataata; te katoto: “I ataia bwa Iotebwa Timiti e Noora Tamara are i Karawa ao Iesu Kristo.”

Waaki ni Kakukurei Aika a Kona n Rineaki

Te Katauraoi

• Ibukin te waaki ni kakukurei n te tabonibai: Kaobiia ao taore baai iaon te iteraniba 91 ke kabongana te taore are ko karaoia ibukin te waaki ni kakukurei n te iteraniba 9. Karana te taore ngkana e tangiraki.

  coloring page, First Vision

  Iotebwa Timiti e Noora Tamara are i Karawa ao Iesu Kristo

  Kaobiia te iteraniba aei ao korei taore baai iaon te rain ae matoatoa ma n ineti. Rukumma iaon rain aika katanetaneaki. Ngkanne teibin rarikina, ao ni kauka mataniwiina are inano bwa aonga ataei ni kona ni katuka te taore iaon baia.

• Ibukin te waaki ni kakukurei n te kara: Karekea kaobiin te tamnei n te iteraniba 91 ibukiia ataei n tatabemaniia bwa ana karanna.

Kibun te Kamate nano

Kaokiokii n taekin kiibu ni waaki ni kakukurei aiaki, ao kaoia ataei bwa ana raoniko:

Iotebwa e katorobubua ibuakon kaai, (n taui baina kanga kaai)

Ao n taekina te tataro ae onoti. (rukum baina)

E noora te Tama ao te Nati (taraa eeta, kanua matana ma baina)

Ao ni kakauongo Nakoia ikekei. (kamwangkongkoa baina i taningana)

Te Waaki ni Kakukurei n te Tabonibai

Manga taekina riki ni kakimototoa te karaki n te Moan Kaotioti, n te tai ni kabonganai taore tabonibai ake ko a tia ni katauraoia. Tuangiia ataei bwa ana taua te taore ngkana a tangiria.

finger puppet diagram

Karanakin

Kariaia ataei n tatabemaniia nako bwa ana karana kaobiin te tamnei n te iteraniba 91. N aia tai ni kara, manga rinanon karakinan te Moan Kaotioti. Kotoi kabwarabwara ni kakimototo inanon te tamnei ao kabwarabwaraa nakoia ataei te bwai ae a karanna. Wareki nakoia taeka ake iaon te tamnei.

Kawai n Angareirei

Taore tabonibai: Ngkana ko rineia bwa ko na karaoi waaki ni kakurei aikai, ko bae n tangiria ni kabatiai riki taore tabonibai n te aro bwa e na kona n reke aia tai n tatakaro imare naia.

Ataei aika a ikawai riki: Iangoia ni kaoia ataei aika a ikawai riki bwa a na manga kaoka te karaki iaon te Moan Kaotioti nakoia ataei aika uarereke riki. Kaotia nakoia bwa a na kanga ni kabonga te taore te bai ke te tamnei are iaon te iteraniba 42 ni karakina te karaki. Buokakiia ataei n reireiniia imare naia bon te kawai ae tamaroa ni manga kaurainga te bwai are ko a tia n reireiniia.

First Vision