19

I Kona Ni Kukurei

Te Kabwarabwara Ibukin te Tia Reirei

N te aro bwa ko na tauraoi n te tamnei n anga te reirei aei, taiaoka warekii ao n iangoi raoi bwaai aikai:

Tamara are i Kawara e tangiriira bwa ti na kukurei; te baire are E karaoi ibukira e atongaki bwa te “babaire ni kakukurei are e korakora” (Aramwa 42:8). E ngae ngke te karawawataaki bon te mwakoro ae kakawaki ni maiura, ti kona n rinea te koaua n ara taratara, ao kateira aika kakukurei e kona ni buokiia tabeman ao n anganiia riki te kantaninga ae kakukurei.

Reiakinan Waaki Ni Kakukurei

Moanna ma waaki ni kakukurei ni bootaki. Ibukin iango, taraa iteraniba 3.

Tataro

Kaoa te ataei bwa e na anga te tataro ni kaukuki.

Karaki

Tuanga te ataei bwa e na taua te tamnei iaon te iteraniba 82. Taekina te karaki aei:

Mary ao ana mommy a nako n nakonako (kotea Mary ao Mommy n te tamnei). Tabeman aomata a nakonako ao matanun (tuangiia ataei bwa ana matanun). Mary e titirakina Mommy, “Bukin tera aomata a nanokaawaki?” E taku Mommy , “I aki ataia, ma tina bae ni kona ni matangare nakoiia ao ni buokiia bwa ana kukurei.”

Ngke a bae nakonako, Mary e noora te aine ae nakonako ni kaineti nakoiia. Mary e matangare n te matangare ae bubura (kaoia ataei bwa ana matangare n te matangare ae bubura). Ngka noora matangaren Mary te aine, e manga ngare nakoina. E taku Mary, “E mwakuri!” e taku Mommy, “Ngkana ti rineia bwa tina kukurei, e na buokiia tabeman bwa ana kukurei naba.”

smiling mother and daughter

Tuangiia ataei bwa ana matangare ibukim. Tuangiia aia matangare e buokiia aomata nako n namakina te kukurei. Kaoia ataei bwa ana taekina “kukurei.”

Anene

Anene ke taekin taeka nakon “Matangare” (Aia Boki n Anene Ataei 267) ao ni karaoi mwakuri aika oti inano. Kaoia ataei bwa ana raoniko.

Ngkana e reke am tai ni kaitibo ma ae matanun, (katiki rarikin wiim rikaaki bwa e na matanun)

Tai katikua n arona. (ioioa te atuu mani iterana nakon iterana)

Kawaekoa ni bitia nakon are te iterana

Ao matangare ni kanakoa te matanun. (katiki rarikin te wii bwa e na matangare)

Akea ae tangira te matanun. (katiki rarikin te wii bwa e na matanun)

Bitia nakon te matangare. (katikii rarikin te wii bwa e na matangare)

Karika te aonaaba bwa te tabo ae tamaroa

Man te matangare n taai nako. (katoutoua te atuu)

Takakaro

Tuangiia ataei bwa ana teirake ni kamnronron. Tuangiia bwa ngkai kona kataneiako n tibwaua te matangare. Teei i matan te ataei ao matangare nakon te uanne ke neienne. Kaoa te ataei bwa e na matangare. Ao imwiina taekina, “Tina nako ni matangare i mare nara.” Taua bain te ataei, nakon te ataei are temanna, ao matangare. Kaoa te ataei temanna bwa e na taua bain are te moan ataei ao matangare imare nami ma te ataei temanna. Karaoia ni karokoa ae a bane ataei n taubai.

Kabaneana

Tuangiia ataei bwa ngkana ko rineia bwa kona kukurei, ti kona ni buokiia tabeman bwa ana namakina naba te kukurei. Kaoia ataei bwa ana taekina, “I kona ni kukurei!”

Tataro

Kaoa te ataei bwa e na anga te tataro ni kainiin.

Kawai n Angareirei

Anene: Ataei a tangiri bwaai aika atia noori ao n ongoongo mai mwaiina. Anenei anene man te reirei aei ke reirei mai mwaiina n tai n aki akaaka n tain te netiurii kiraati. Manga rinanoan aei e na buokiia n reiakin anene ao n uring moan tua n te euangkeerio ake ko atia n anga reirei iai.

Takakaro: Ma taia ni waaki ni kakukurei nako, bita te takakaro aei nakon mwaitin am netiurii. Ngkana e rang ni mwaiti am ataei, kona bae n tangiria n tibwaua te matangare ma ataei uoman ke teniman teuana te tai.

Waaki ni Kakukurei Aika a Kona n Rineaki

Te Katauraoi

• Ibukin manga rinanoan waaki ni kakukurei: Mwakena te iteraniba 67 n te bokinreirei aio bwa e aonga ni bebete rekena iroum. Uoti bwaai aika ko kakaitau ibukiia; ko kona ni kabonganai tamnei n te bwai n anga reirei aei ke ana mekatiin te Ekaretia, ke ko kona ni bon korea am tamnei.

• Ibukin kamatatan waaki ni kakukurei n te tamnei: Karekea kaobiin te tamnei n te iteraniba 83 ibukiia ataei n tatabemaniia.

  coloring page, smiling-frowning face

  I Kona Ni Kukurei

Anene

Anene ke taekin taeka nakon “Ngkana ko Kukurei” (Aia Boki n Anene Ataei 266) ao ni karaoi mwakuri aika oti inano. Kaoia ataei bwa ana raoniko.

Ngkana ko kukurei ao ko ataia, uoboi baim. (uboubo, uboubo)

Ngkana ko kukurei ao ko ataia, uboi baim. (uboubo, uboubo)

Ngkana ko kukurei ao ko ataia,

Ao moamoam e na bon kakoaua ni kaotia. (matangare; kotea te ubu)

Ngkana ko kukurei ao ko ataia, uboi baim. (uboubo, uboubo)

Kaokia, onea mwiin “uboi baim” ma kaina riki tabeua, n aron “rairaki,” “booboi bubuani waem,” ao n aron anne.

Kibun te Kamate nano

Kaokiokii n taekin kibun waaki ni kakukurei aikai ao kaoia ataei bwa ana raoniko:

Te matangare e rang ni karekea te ururing. (katikii rarikin te wii bwa e na matangare)

Ao ngkana i namakina te nanokawaaki, (katikii rarikin wiim bwa e na matanun)

I kataia n anga nako te matangare , (katikii rarikin te wii bwa e na moangare)

Ao e waekoa I namakina te kukurei! (katokai ni kauaai baim i aon te buroo)

Manga rinanona

Kaoki waaki ni kakukurei n te Tamnei ake uoua man te reirei ae 15 (iteraniba 64 ao 65). Kabwarabwaraa bwa ururingan bwaai ni kabane aika kamimi aika e a tia n anganiira Tamara are i Karawa e kona ni buokiira n namakina te kukurei.

Jesus with grateful leper

Te Tamnei

Anganiia ataei n tatabemaniia nako kaobiin te ubu ae matangare-matanun n te iteranibaa 83. Kaoia ataei bwa ana noori tamneia ngke ko tabe n anenea “Matangare” teuana riki te tai. Buokiia n bita ubuia man te matanun nakon te matangare n taai aika riai n tain te anene.

Kawai n Angareirei

Waaki ni Kakukurei Aika a Kona n Rineaki: N te aro bwa ko na kateimatoai nanoia ao aia kan reirei ataei, kabonganai anga n reirei aika mwaiti; aekan karaki aika iai aneneia, kiibu ni waaki ni kakukurei, takakaro, ao kakamwakuriia. Bairea ae na aki raka iaon uouta ke tenua te miniti ibukin waaki ni kakukurei ni kabane. (Tara Teaching, No Greater Call 72, 89–90.)

Rinanona: Kaokioki waaki ni kakukurei man reirei ake mai imwaina n te tai ae ko tangiria. Kaokiokana e kakukurei nakoia ataei, ao e buokiia n reireiniia.