Abuso
Unsaon Ko nga Magpabiling Luwas?

“Unsaon Ko nga Magpabiling Luwas?” Tabang alang sa mga Biktima (2018)

“Unsaon Ko nga Magpabiling Luwas?” Tabang alang sa mga Biktima

Unsaon Ko nga Magpabiling Luwas?

Ang imong kaluwasan mao ang labing importante nga hunahunaon sa usa ka sitwasyon sa pang-abuso. Walay usa nga gidahum nga molahutay og madagmalong kinaiya. Makaduol ka og mga serbisyo sa tabang ug makapalambo og makaluwas nga plano aron sa pagtabang kanimo nga magpabiling luwas gikan sa dugang nga pang-abuso. Adunay mga sitwasyon diin angay nga mobiya.

Mga Serbisyo

Adunay daghang grupo ug mga serbisyo nga makatabang sa pagpanalipod kanimo ug sa pagpugong og dugang nga pang-abuso. Kini naglakip sa:

  • Sibil nga mga awtoridad

  • Mga serbisyo sa pagpanalipod sa bata

  • Mga serbisyo sa pagpanalipod sa hamtong

  • Mga tigtambag og biktima

  • Medikal o pagpakitambag nga mga propesyonal

  • Mga dangpanan

Kon ikaw dili sigurado hain nga kapanguhaan ang duolon, tan-awa ang In Crisis? Talk Now o duola ang Family Services. Mahimo usab nga imong hunahunaon ang pagduol sa imong bishop.

Makaluwas nga mga Plano

Ang makaluwas nga plano mao ang usa ka personal nga plano sa pagtabang kanimo nga mahibalo unsa ang buhaton kon nag-atubang og madagmalon nga mga sitwasyon. Kini nga plano makagiya kanimo ug sa mga sakop sa pamilya sa mga sitwasyon nga kamo maanaa aron sa pagkunhod sa risgo nga madaut.

Ang makaluwas nga plano mahimong mag-apil apan dili lang kutob sa:

  • Pag-ila sa mga sakop sa pamilya ug mga higala kinsa imong kasaligan

  • Pagkuha og mga numero sa telepono nga mga kapanguhaan sa panahon sa kalit nga hitabo (sibil nga mga awtoridad, pamilya, o mga higala)

  • Pangita og kwarta aron sa pagtubag sa nag-unang mga panginahanglan

  • Pagplano kon unsaon pagkuha og transportasyon aron makaadto sa usa ka luwas nga dapit, kon gikinahanglan

  • Pangita og mga dapit nga ikaw makaadto aron malayo, kon gikinahanglan (sama sa pamilya, mga higala, o balay dangpanan)

  • Pag-ila kon unsa ang imong pagabuhaton sa makuyaw nga mga sitwasyon

  • Pakig-istorya sa inyong mga anak ug sa ubang mga sakop sa pamilya mahitungod sa unsay ilang mabuhat sa mga sitwasyong makuyaw

Ang mga kapanguhaan sa ubos makatabang kanimo sa pagkat-on pa mahitungod sa makaluwas nga mga plano ug sa pagpalambo og usa ka plano nga mohaum sa imong piho nga sitwasyon ug mga panginahanglan.

Mga Kapanguhaan sa Komunidad ug sa Simbahan

(Pipila sa mga kapanguhaan nga gilista sa ubos wala gimugna, gipalambo, o gikontrolar sa Ang Simbahan ni Jesukristo sa mga Santos sa Ulahing mga Adlaw. Samtang kini nga mga materyal gituyo aron magsilbe isip dugang nga mga kapanguhaan, ang Simbahan wala magsuporta sa bisan unsa nga sulod [content] nga dili pinasubay sa mga doktrina ug mga pagtulun-an niini.) Ang uban niini nga mga kapanguhaan mahimong anaa sa Iningles lamang.

May Kalabutan nga mga Artikulo