Տեսլական

Երիտասարդ տղաներին անհրաժեշտ են այնպիսի վայրեր, որտեղ նրանք կարող են հավաքվել աշխարհիկ ազդեցություններից զերծ միջավայրում, կառուցել ավետարանի վրա հիմնված փոխհարաբերություններ և ամրապնդել իրենց հավատը Երկնային Հոր և Հիսուս Քրիստոսի նկատմամբ: Զգուշորեն ընտրեք այնպիսի վայր, որը կխթանի հարաբերությունների կառուցումը և կստեղծի ողջ կյանք տևող հիշողություններ: Այս փորձառությունները ստեղծում են միասնություն և հավատ՝ օգնելով երիտասարդներին մեծացնել Փրկիչին հետևելու իրենց ցանկությունը:

Քվորումի ղեկավարները, քվորումի խորհրդատուները և քվորումի մասնագետները պետք է օգտագործեն այս ուղեցույցում նշված օրինակները, որպեսզի օգնեն պլանավորել և հաստատել երիտասարդ տղամարդկանց մեկ և բազմօրյա գիշերակացով ճամբարային միջոցառումները՝ անկախ այն բանից, թե որտեղ են ապրում: Ճամբարները, որոնք պլանավորված և կազմակերպված են համաձայն այդ սկզբունքների, մեթոդների և նպատակների, կօգնեն երիտասարդ տղամարդկանց կատարել քահանայության իրենց պարտականությունները, աճել Հիսուս Քրիստոսի ավետարանում, զարգացնել ավետարանի վրա հիմնված հարատև հարաբերություններ և զարգանալ հոգևորապես, սոցիալապես, ֆիզիկապես և մտավորապես (տես Ղուկաս 2․52)։

Քվորումի ղեկավարներ եզրույթը վերաբերում է սարկավագների քվորումի նախագահությանը, ուսուցիչների քվորումի նախագահությանը, եպիսկոպոսությանը և քահանաների քվորումի օգնականներին: Ահարոնյան քահանայության խորհրդատուներն ու մասնագետները քվորումի ղեկավարներ չեն (տես Ընդհանուր Ձեռնարկ․ Ծառայել Հիսուս Քրիստոսի Վերջին Օրերի Սրբերի Եկեղեցում, 10.3–10.4, ChurchofJesusChrist.org)։

Նկար

երիտասարդ տղամարդիկ արշավում են