Ang Simbahan Nagsaulog sa 2024 nga National Family Week uban sa #BFF

Ang mga stake ug mga district sa tibuok Pilipinas sa makausa pa andam na sa pag- apil sa nasod sa pagsaulog sa ika-32 nga National Family Week. Sulod sa unom ka sunod- sunod nga tuig, ang tema sa Simbahan alang sa #BFF o Building Forever Families.

Ang mga yunit sa Simbahan gilaoman sa paghatag og gibug-aton sa mga baroganan nga makit-an sa “Ang Pamilya: Usa ka Pamahayag ngadto sa Kalibotan” diha sa makalingaw nga mga kalihokan nga molambigit usab og mga kauban sa kumunidad kinsa dili sakop sa atong pagtuo. Usa ka semana nga content nga angayng tutokan sa pamilya imantala online diha sa “#BFF FamCon (Family Conversations)” gibitoonan sa magtiayong celebrity nga sila si Erick “Eruption” ug Rhona Tai uban sa aktres nga si Xia Vigor.

“Ang Kapangulohan sa Area mahinamon nga nagpaabot niining kasaulogan sa tuig sa Family Week,” mipakigbahin sa Elder Carlos G. Revillo, Presidente sa Philippines Area. “Hinaot nga kita mogamit niining okasyon sa pagpalig-on sa hangtod sa kahangtoran nga mga pamilya pinaagi sa pagsunod sa pagdapit sa atong Manluluwas nga si Jesukristo nga mamahimong mga tigpasiugda og kalinaw. Miingon Siya ngadto sa Iyang mga sumusunod, “Bulahan ang mga tigpasiugda sa kalinaw”. Ang atong minahal nga propeta, si Presidente Russell M. Nelson naghangyo kanato sa paghiklin sa panagbingkil, kasuko, kapait, pagkadili mahigalaon, ug taposa ang kasungian nga nagdilaab sa atong mga kasingkasing, sa atong mga panimalay ug sa atong kinabuhi. Atong pilion nga mamahimong tigpasiugda og kalinaw. Ipakigbahin ang hingpit nga kalipay ug kalinaw nga makaplagan sa inyong pamilya diha sa pagsunod ni Jesus pinaagi sa pagkahimong tigpasiugda sa kalinaw.”