E a Tauraoi Ngkai te Kabaeara ni Karekean Ana Maekatiin te Aro ae Akea Boona,” Riaona, Maati 2024.
E a Tauraoi Ngkai te Kabaeara ni Karekean Ana Maekatiin te Aro ae Akea Boona
A tauraoi ngkai nakoia membwa ni kabuta te aonaaba maekatiin te Aro ae aki kaboaki. Aio aron karinan te ara ibukin karekeana n te ririki:
-
Te Riaona (ibukia ikawai).
-
Ibukin Kakorakorakiia kairake (ibukiia 12–18).
-
Te Rao (ibukiia ataei).
N te rongorongo ibukin te waaki ae boou aei, E kabwarabwara Unimwaane Dieter F. Uchtdorf man te Kooram n Abotoro n te Tengaun ma Uoman, “E tangiria te Ekaretia n anga karekean aia taeka burabeti, ao ti rangi ni kukurei ni karaoi kaobin ana maekatiin te Ekaretia aika a kabutaki bwa a na tauraoi n akea booia” (Aokati. 1, 2023, newsroom.ChurchofJesusChrist.org).
Ti na Kanga ni Karin Ara nakon Maekatiin ake a Boretiiaki
-
Kariniko ni kabongana am akaunti n te Ekaretia. (Ngkana kam kainanoa ami akaunti n te Ekaretia, karina aram n akea boona n account.ChurchofJesusChrist.org.)
-
Taona te bwatin n Karin Ara irarikin am maekatiin ke am maekatiin are ko nano iai.
-
Kanoaa am atureti n te meeri ao te taetae are ko nano iai.
E na roko te moan beeba ni kaongora i nanon tao uoua namwakaina.
Aron te Karin Ara Ibukin te Meeri ni Kauring
Ngkana ko tangiria ni wareware n ana maekatiin te Ekaretia iaon bwaai n reitaki n te intanete, ko konaa ni karina aram bwa ko na karekea te kauring n te meeri ngkana e a tauraoi te beeba ni kaongora ae boou n ana webutiaite te Ekaretia ao n te app n te Gospel Library.
-
Kariniko ma am akaunti n te Ekaretia.
-
Rinea te maekatiin are i aon bwaai n reitaki n te intanete i aan “Imeeri ibukin Maekatiin i aonrain.”