“Sa Unsang Paagi nga ang Pagkamasulondon Nag-andam Kanato Alang sa Kinabuhing Dayon?,” Liahona, Dis. 2023.
Dali, Sunod Kanako
Sa Unsang Paagi nga ang Pagkamasulondon Nag-andam Kanato Alang sa Kinabuhing Dayon?
Si Juan nga Tigpadayag nakasabot sa kaimportante sa mga sugo kon giunsa niini pag-andam ang mga anak sa Dios sa pagpanunod sa tanan nga anaa Kaniya. Ang usa ka manulonda mitudlo kang Juan nga ang mga matarong nga nagsunod sa mga sugo sa Dios makapanunod sa usa ka balaan nga siyudad: “Bulahan sila nga managlaba sa ilang mga bisti aron makabaton sila sa katungod sa pagpahimulos sa kahoy nga naghatag sa kinabuhi, ug sa pagsulod sa siyudad agi sa mga pultahan” (Pinadayag 22:14). Ang “balaang siyudad” (Pinadayag 22:19) nga gusto sa Langitnong Amahan nga andamon kanato mao ang celestial nga gingharian.
“Ug nahinabo nga ang Ginoo misugo sa akong amahan, gani sa usa ka damgo, nga kinahanglan dad-on ang iyang banay ug mobiya ngadto sa kamingawan.
“Ug nahinabo nga siya masulundon ngadto sa pulong sa Ginoo, busa siya misunod ingon sa gisugo sa Ginoo kaniya” (1 Nephi 2:2–3).
Mga Ehemplo sa Pagkamasulondon
-
Moises 5:5–8: Si Adan ug si Eva nga naghalad og mga sakripisyo sa Ginoo
-
1 Nephi 2:2–7: Si Lehi ug iyang pamilya mibiya ngadto sa kamingawan
-
Mosiah 18:1–11, 30: Si Alma nagsangyaw sa Katubigan sa Mormon
-
Mosiah 24:8–15: Si Alma ug iyang katawhan nakasinati og pagpanglutos
-
4 Nephi 1:1–18: Ang nakabig nga mga Nephite adunay paghigugma ug panaghiusa taliwala kanila