Dali, Sunod Kanako

1–3 Juan; Judas

Unsaon Ninyo Pagkakita sa Dios diha sa Inyong Kinabuhi?

gituyhad nga kamot sa Manluluwas

Ang Hubad ni Joseph Smith sa 1 Juan 4:12 mabasa nga: “Walay tawo nga nakakita sa Dios sa bisan unsa nga higayon, gawas kanila kinsa nagtuo. Kon kita maghinigugmaay sa usag usa, ang Dios mopuyo dinhi kanato, ug ang iyang gugma mahingpit dinhi kanato” (diha sa 1 Juan 4:12).

Lain-laing disipulo—lakip si Juan (tan-awa sa Pinadayag 4), Esteban (tan-awa sa Mga Buhat 7:55–56), Lehi (tan-awa sa 1 Nephi 1:8), ug Joseph Smith (tan-awa sa Joseph Smith—Kasaysayan 1:17)—nakakita sa Langitnong Amahan. Daghan pa ang dugang nga nakakita sa personal ni Jesukristo. Apan dili kinahanglan nga makita nato ang Dios sa atong mga mata aron makita Siya sa atong kinabuhi.

Dan-agi ang Kalibotan

Kon mohatag kita og Kristohanong pagserbisyo, mahimo natong tabangan ang uban nga makita ang kamot sa Ginoo sa ilang kaugalingong kinabuhi. Unsaon kaha ninyo pagtabang sa uban nga makita nila ang hitsura sa Ginoo diha sa inyong panagway? (tan-awa sa Alma 5:14). Ania ang pipila ka ideya sa pagpadasig sa adlaw sa usa ka tawo:

• Pangutan-a ang inyong gipangalagaran nga pamilya kon unsay inyong ikatabang.

• Tugoti ang usa ka tawo nga adunay gagmay nga mga bata nga mag-una kanimo diha sa linya.

• Pagsulat og kard alang sa usa ka tawo nga nag-inusara o bisitaha siya.

“Samtang mamalandong kita uban sa balaang pagtahod ug pagdayeg kon sa unsang paagi nga ang atong Manluluwas naggakos kanato, naghupay kanato, ug nag-ayo kanato, atong ipasalig nga mahimo nga Iyang mga kamot, nga ang uban pinaagi kanato mahimong mobati sa Iyang mahigugmaon nga paggakos.”

Elder Dieter F. Uchtdorf sa Korum sa Napulog Duha ka Apostoles, “Kamo ang Akong mga Kamot,” Liahona, Mayo 2010, 75.

Panaghisgotan

Sa unsang paagi ninyo nakita ang kamot sa Ginoo nga nagtrabaho sa inyong kaugalingon nga kinabuhi? Sa unsang paagi kamo mahimong mga kamot sa Ginoo diha sa kinabuhi sa uban?