iTukutuku Vaka-Vula ni Me iSakisaki ni iTabagone iTukutuku, Okosita 2023

Vakasaqara na Kila-Ka

Mai vei Elder Ulisses Soares

Mai na Kuoramu ni iApositolo Le Tinikarua

Ulisses Soares

Mai na dua na vosa ena koniferedi raraba ni Epereli 2019.

marama kei na cina waiwai

Droini e so mai vei Emily Jones

Na noda inaki ni da saga me da kila vakavinaka na kosipeli i Jisu Karisito sa ikoya me da vakalevutaka na noda vakabauta na Kalou kei na Nona ituvatuva vakalou ni marau ka vakakina vei Jisu Karisito kei na Nona isoro ni veivakaduavatataki me da rawata kina na saumaki tudei. Na vakabauta kei na saumaki torocake vakaoqo ena vukei keda me da vakayacora ka maroroya na veiyalayalati kei na Kalou, ka vakaqaqacotaka na noda gagadre me da muri Jisu ka vakayaco veisau dina vakayalo vakaikeda. Na veisau oqori ena kauta mai vei keda e dua na bula marau, vuai vinaka, ka bulabula ka na vukea me tawamudu na noda rai.

wili ivolanikalou tiko na cauravou

Me rawati oqo, sa gadrevi me da tiko ga kei Jisu Karisito ena noda vakadromuci keda ena ivolanikalou, kune reki mai kina, vulica na Nona ivunau, ka sasagataka me da bulataka na sala a bulataka o Koya. Ena gauna ga oqori eda na qai kilai Koya ka vakadinata na domona, ka kila ni da lako mai Vua ka vakabauti Koya, eda na sega sara ni via kana se via gunu (raica na Joni 6:35).

masu tiko na cauravou

E sega ni yaco oqori vakaikoya. Na noda vakamatautaki keda ki na veivakayarayarataki cecere duadua ni bula vakalou e sega ni rawarawa; e gadrevi kina me da dau kaciva na Kalou ka vulica na ivakarau me da kauta mai kina na kosipeli i Jisu Karisito ki na noda bula.

tara tiko na nona uto e dua na goneyalewa

Au vakadinadinataka vei kemuni ni gauna eda vakasaqara, kina ena gumatua, kei na yalodina na kosipeli i Jisu Karisito ka veivakatavulicitaka mai na vuniyaloda kei na veivakayarayarataki ni Yalo, na veivakatavulici oqo ena veisautaka na yalo ka vakauqeta na gagadre me bulataki na dina ni Kalou.

Saumaki mai: Na iwalewale ni veisau, ka oka kina na veisau e yaco ni da lako mai vei Karisito ka ciqoma ka muria na Nona ivakavuvuli kei na ivakaro.

Tabadromuci: Na vakaitavi vakatitobu ena dua na itaviqaravi se itavi. Na dromuci e kena ibalebale talega na dromuci ena dua na ka waiwaia, me vaka na wai. Ni da sa papitaiso, eda sa papitaiso ena veitabadromuci.

Veivakasotari: Me ciqomi se kila e dua na ka.

Vakagumatua: Me caka e dua na ka bibi ena gagadre dina ka kaukauwa.

© 2023 mai na Intellectual Reserve, Inc. Dodonu taucoko e taqomaki. Tabaki e Amerika. Vakadonui me vakaValagi: 6/19. Vakadonui me vakadewataki: 6/19. iVakadewa ni iTukutuku Vaka-Vula ni Me iSakisaki ni Tabagone, Okosita 2023. Language. 19026 000