“A Vakaraitaka Vei Keda o Jisu na Sala,” iTokani, Okosita 2023, 4–5.
Na vei iTukutuku Vakavula ni iTokani, Okosita 2022
A Vakaraitaka Vei Keda o Jisu na Sala
Droini mai vei Dan Burr
O Jisu Karisito e Luvena na Tamada Valomalagi. A lako mai ki vuravura me mai vakaraitaka vei keda na sala eda na rawa ni lesu tale kina ena dua na siga ki vua na Tamada Vakalomalagi. O Jisu e a papitaisotaki. A vakatavulica o Koya ni dodonu me da papitaiso talega.
A vakaraitaka vei keda o Jisu na sala me da bulataka kina na noda bula. E a lomani ira ka vukei ira na tamata kecega o Koya. E vinakata o Koya me da muri Koya.
A vakila na noda mosi taucoko o Jisu ka a vakararawataki ena vuku ni noda ivalavala ca. A mate o Koya ena vukuda. Oqo e vakatokai na Veisorovaki i Jisu Karisito. E a tucake tale o Koya. E kena ibalebale oya ni bula tiko nikua o Koya! Ena vuku i Jisu, eda na bula kece tale ni oti na noda mate.
A vakayacora o Jisu na veika kece oqo ena vukuda baleta ni lomani keda o Koya. Ena Vukuna ga, e rawa ni da na bula vata tale kei na Tamada Vakalomalagi kei na noda matavuvale ena dua na siga.
E da rawa ni muri Jisu e na noda papitaisotaki. E rawa talega ni da muri Koya e veisiga ni da lomani ka vukei ira na tani ka talairawarawa ki na Nona ivakaro.
© 2023 mai na Intellectual Reserve, Inc. Dodonu taucoko e taqomaki. Tabaki e Amerika. Vakadonui me vakaValagi: 6/19. Vakadonui me vakadewataki: 6/19. iVakadewa ni iTukutuku Vakavula ni iTokani, Okosita 2023. Language. 19026 858