“UMoya Oyingcwele Unako ukuSinceda,” Liyahona, EyeSilimela 2023.
UMyalezo weLiyahona weNyanga, EyeSilimela 2023
UMoya Oyingcwele Unako ukuSinceda
UMoya oyiNgcwele lilungu lesithathu lobuThixo. Izibhalo zikwabhekisa kuYe njengoMoya, uMoya oyiNgcwele, okanye uMthuthuzeli. Njengokuba sifunda ukumamela ilizwi laKhe, Yena uya kungqina kuthi ngoYesu Krestu kwaye asincede sifunde iinyaniso zevangeli.
Ilungu lobuThixo
UBawo waseZulwini, uYesu Krestu, kunye noMoya oyiNgcwele bubuThixo. Bayasithanda kwaye basebenza ngokumanyeneyo ukuphumeza icebo losindiso. Nangona uBawo waseZulwini noYesu Krestu benemizimba yenyama namathambo, uMoya oyiNgcwele awunawo. Yena ungumoya.
Ingqina likaBawo noNyana.
UMoya oyiNgcwele “[u]ngqina ngaye uBawo kwakunye noNyana” (2 Nifayi 31:18). Oku kuthetha ukuba singafumana ubungqina bukaBawo oseZulwini noYesu Krestu ngoMoya oyiNgcwele.
Ungqina ngeNyaniso
UMoya oyiNgcwele ungqina ngayo yonke inyaniso. Yena uyakusinceda sazi ukuba ivangeli—kubandakanya icebo losindiso, imiyalelo kaThixo, uBuyiselo, neNtlawulo kaYesu Krestu—zinyani. Yena uyakomeleza ubungqina bethu njengoko siqhubeka nokuthandaza, sigcina imiyalelo, kwaye sifunda ivangeli.
Ukhokela kwaye uyasikhusela
UMoya oyiNgcwele unokusikhokela kwizigqibo zethu kwaye usikhusele kubungozi bokwenyama nobomoya. Yena uyakusincedisa sifumane iimpendulo kwimibuzo esinayo ukuba sithandaza size sizame ukwenza okulungileyo. Yena uyakusoloko esikhokelela “ekwenzeni ukulunga” (IMfundiso neMinqophiso 11:12).
Uyasithuthuzela Thina
UMoya oyiNgcwele ngamanye amaxesha ubizwa ngokuba “nguMthuthuzeli” (Yohane 14:26). Yena unako ukusigcwalisa “ngethemba nothando olugqibeleleyo” (Moronayi 8:26) xa sikhathazekile, silusizi, okanye sisoyika. Njengoko Yena esinceda ukuba siluve uthando lukaThixo, singoyisa ukudimazeka kwaye somelezwe kwiimvavanyo zethu.
ISipho soMoya oyiNgcwele
Emva kokuba sibhaptiziwe, sifumana isipho soMoya oyiNgcwele kummiselo obizwa ngokuba luqinisekiso. Sakuba sisifumene esi sipho, singakwazi ukuba nobuqabane obuthe gqolo boMoya oyiNgcwele ukuba nje siphila ngobulungisa.
Umboniso nguJ. Kirk Richards
Indlela Esimva ngayo uMoya oyiNgcwele
UMoya Oyingcwele unxibelelana nabantu ngeendlela ezahlukeneyo. Ezi zinokuquka uxolo, iimvakalelo ezithuthuzelayo okanye ukuqonda malunga nento emayiyithethwe okanye yenziwe. Njengokuba sithandazela inkokhelo kwaye simamela iinkcukumiso zaKhe, singafunda indlela Yena athetha ngayo nathi.
© 2023 yi Intellectual Reserve, Inc. All rights reserved. Ishicilelwe eUSA. Imvume yesiNgesi: 6/19. Imvume yenguqulelo: 6/19. Inguqulelo ye Monthly Liahona Message, April 2023. Language. 19026 773