Dali, Sunod Kanako

Mateo 12

Unsa ang Gipasabot sa Pagbalaan sa Adlaw nga Igpapahulay?

Through the Cornfields [Diha sa Kamaisan, ni W. Paget © Providence Collection / lisensyado gikan sa Goodsalt.com

Si President Russell M. Nelson misulti kon sa unsa nga paagi, isip usa ka batan-on, iyang gitun-an ang mga lista sa mga butang nga buhaton o dili sa Igpapahulay. Dayon iyang nakat-onan gikan sa mga kasulatan nga ang iyang mga aksiyon sa Igpapahulay nagrepresentar og timailhan tali kaniya ug sa Langitnong Amahan (tan-awa sa Exodo 31:13).

Siya miingon: “Ubos nianang pagsabot, wala na ko magkinahanglan og listahan sa angay buhaton ug dili buhaton. Kon kinahanglan nakong modesisyon nga ang usa ka kalihokan angay ba o dili angay alang sa Igpapahulay, mangutana lang ko sa akong kaugalingon, “Unsa man nga timailhan ang gusto nakong ihatag ngadto sa Dios?” (“Ang Igpapahulay usa ka Kahimut-an,” Liahona, Mayo 2015, 130).

Kalihokan

Basaha ang mga pagtulon-an ni Kristo mahitungod sa adlaw nga Igpapahulay diha sa Mateo 12:1–13; tan-awa usab sa Isaias 58:13 ug Doktrina ug mga Pakigsaad 59:9–13. Sulati ang tsart sa dokrinal nga mga baroganan nga inyong makit-an niini nga mga pagtulon-an. Isip usa ka pamilya, hisgoti ang mga paagi nga inyong magamit kini nga mga pagtulon-an karon. Kamo makasulat sa inyong mga hunahuna diha sa kolum sa “Modernong Adlaw nga Paggamit.

Mga Pagtulon-an ni Jesus	Modernong Adlaw nga Paggamit

Panaghisgotan

Isip usa ka pamilya, ikonsiderar ang pangutana ni Presidente Nelson, “Unsa nga timailhan ang gusto nakong ihatag ngadto sa Dios?” ug hisgoti unsa nga piho nga mga paningkamot nga inyong himoon sa “pagtabang kang bisan kinsa sa adlawng igpapahulay” (Mateo 12:12).