Etinda Liawona Sanza ya misato 2022

Kosala na Mabiangi ya Eklezia

bakambi ya Eklezia basengi bandimi basala na mikumba ya sikisiki eyebani lokola “mabiangi.” Mabiangi epesi bandimi libaku ya kosalela basusu mpe kobelema na Nzambe.

moto na kiti ya bibosono azali koteya na Eklezia

Foto na David Bowen Newton

Ntango tosali na mabiangi na biso, tosungi kokokisa mosala ya Nzambe. Toteyi basusu etali Tata ya Lola mpe Yesu Klisto mpe tosungi baoyo tozali koteya babelema na Bango. Tozwi lisusu mapamboli ntango tosali na bosembo nyonso.

Kozwa Mabiangi

elenge mobali atelemi liboso ya lingomba ya Eklezia

Baoyo basalaka na Eklezia babiangemi na Nzambe. Bakambi ya Eklezia basambelaka mpo na bofuli mpo koyeba nani kosenga mpo na kosala na libiangi moko moko. Nsima mokambi asengi mondimi mpo na kosala mpe alimboli misala ya libiangi yango. Bandimi basungami na likita ya Eklezia epai wapi bandimi ya palwasi to ya etape bapesi boponi ya kosunga. Oyo elimboli ete balingi kosunga moto oyo abiangemi. Nsima mondimi akopesamela lipamboli na mokambi moko ya bonganganzambe. Oyo ebengami botiami na mosala. Mondimi akopesamela bokonzi ya kosala na libiangi mpe mapamboli mosusu mpo kosunga ye na kosala.

Baepisikopo

Episikopo azali mokambi ya palwasi. (Na etape, mokambi ya etape akokani na episikopo.) Mokambi ya etuka akopesa nkombo ya mosimbi ya bonganganzambe ya sembo mpo kobiangema lokola episikopo. Bokambi ya Yambo ekondima libiangi. Nsima episikopo asungami mpe atyami na mosala mpo kosala. Lisusu akozwa bafungola ya bonganganzambe, oyo elimboli ete azali na bokonzi ya kokamba palwasi. Lokola episikopo, akosala mpe akokamba bandimi nyonso ya palwasi.

Bakambi

Masanga Makoki ya Bonganganzambe mpe mabongisi ya Lingomba ya Bamama mpo ya Lisalisi, ya Bilenge Basi, ya Kelasi ya Bana, mpe ya Kelasi ya Eyenga ekambami na bakambi, mbala mingi na mokambi mpe basungi mibale. Bakambi ya lisanga ya bampaka ebiangemi mpe etyami na mosala na bokambi ya etuka. Episikopo na basungi na ye basengi na bandimi kosala na babokambi mosusu na palwasi mpe batye bango na mosala. Bakambi nyonso bakosalela bandimi na masanga to mabongisi na bango. Bakoyanola na bamposa ya bandimi mpe bakosunga bango koyoka bolingo ya Nzambe.

mwasi amemi bilei na mama oyo azali na mwana

Mabiangi Mosusu

Mabiangi Mosusu na Eklezia esangisi mpe koteya, kosunga na miziki, kobomba bankoma, kobongisa misala ya bilenge to bana, mpe kosala na balolenge mosusu. Libiangi moko na moko na Eklezia ezali ntina mpe epesi bandimi libaku moko ya kosalela basusu mpe kosalela Nzambe. Ntango biso nyonso tosali elongo mpo kokokisa mabiangi na biso, tolendisi basusu mpe tosungi Eklezia ekola.

Uta na Makomi

Mabiangi ya kosala na Eklezia ewuti na Nzambe (tala Biteni ya Bondimi 1:5).

Tobiangemi mpe totiami na mosala yambo tosala na libiangi moko (tala Malongi mpe Mayokani 42:11).

Ntango tosali na mabiangi na biso, tosungi kotonga Eklezia (tala Malongi mpe Mayokani 84:109–10).

Koyekola Lolenge Nini Kosala na Libiangi na Yo

Kozala na libiangi ezali libaku monene ya kosalela basusu. Libiangi moko na moko ezali na liboke ya misala na yango, bongo ezali ntina na koyeba yango ntango obandi kosala. Oyo ezali bamoko makoki mpo kosunga yo:

• Solola na mokambi oyo apesaki yo libiangi. Tuna mateya nini okoki kozwa.

• Tanga libiangi na yo kati na General Handbook, ya Eklezia, ezwami na ChurchofJesusChrist.org. Ezali na mikapo etali Lingomba ya Bamama mpo ya Lisalisi, lisanga ya bampaka, Kelasi ya Bana, mpe bongo na bongo.

• Sambela mpo na kozwa bofuli, mpe yekola makomi masantu mpe masukulu ya likita linene na libiangi na yo na makanisi. Tata ya Lola akopambola yo mpo na kosalela bana na Ye malamu.

© 2022 na Intellectual Reserve, Inc. Makoki manso mabatelami. Ebetami na Etazini. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly Liahona Message, Sanza ya misato 2022. Language. 18296 639