Binulan a Mensahe iti Friend , Pebrero 2022

Abraham ken Sara

Da Abraham ken Sara iti maysa a tolda

Dagiti panangiladawan ni Apryl Stott

Maysa a propeta ni Abraham. Nagaramid ti Dios iti katulagan ken ni Abraham ken ti asawana, ni Sara.

Da Abraham ken Sara a malidlidayan

Inkari ti Dios a bendisionanna ida. Imbagana kadakuada a maaddaandanto iti annak. Inkari da Abraham ken Sara nga agtungpal iti Dios.

Da Abraham ken Sara

Tinungpal da Abraham ken Sara ti karida. Ngem saanda a naaddaan iti annak iti nabayag a panawen. Limmakay ken bimmaketda.

Da Abraham ken Sara ken ni maladaga nga Isaac

Iti kamaudiananna, idi agtawen ni Abraham iti 100 ken agtawen ni Sara iti 90, naaddaanda iti maysa a maladaga a lalaki. Pinanagananda iti Isaac. Ammoda a pinaraburan ida ti Dios.

ubing nga agmulmula iti bukbukel

Makapagtalekak iti Dios. No dadduma saan a madagdagus nga umay dagiti bendision. Ngem kanayon a tungpalen ti Dios dagiti karina.

(Mabalinmo a basaen ti estoria da Abraham ken Sara iti Genesis 15, 17, ken 21.

Panid ti Panagkolor

Makapagtalekak iti Dios

lalaki nga agkarkararag

Iklik iti ladawan nga i-download.

Panangiladawan ni Apryl Stott

Kasano a natulongannaka ti Nailangitan nga Ama idi nagbuteng wenno nagladingitka?

© 2022 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Friend Message, February 2022. Ilokano. 18313 864