Blong Ol Papa mo Mama

Nem blong Jos mo Stap Bildimap Saeon

Ol Dia Papa mo Mama,

Yu save yusum ol atikol ia mo ol pikja blong olgeta blong toktok raon wetem famli blong yu mo helpem olgeta blong andastanem ol impoten topik olsem, blong stap yusum stret nem blong Jos mo blong stap bildimap Saeon.

Stret Nem blong Jos

Rid tugeta olsem wan famli, sam long ol stori long atikol blong Presiden Eyring “Bae Olsem Ia Nao Oli Mas Singaotem Jos blong mi,” stat long pej 8. Tingting blong luklukbak long toktok blong Presiden Nelson, long topik ia blong Oktoba 2018 jeneral konfrens. ?Long ol wanem wei nao yu mo famli blong yu i bin kasem blesing, taem yufala i traehad blong yusum stret nem blong Jos—Jos Ia blong Jisas Kraes blong Ol Lata-dei Sent?

Stap Bildimap Saeon

Askem ol pikinini blong yu, wanem nao oli ting se Saeon i minim. Afta yusum atikol blong Elda Gerrit W. Gong “Karem [Muvum Saeon I Go Fored]” long pej 12 blong helpem olgeta blong lanem moa abaot wanem Saeon i minim, tugeta long taem bifo mo long taem tedei. Tingting blong stap toktokraon long ol wei we famli blong yu, i save help blong bildimap Saeon insaed long hom mo long komuniti blong yu.

Ol Stadi Help blong Kam Folem Mi

Luk long pej 26 blong ol atikol long ol defdefren topik insaed long Kam Folem Mi blong sapotem stadi blong yu, blong Doktrin mo Ol Kavenan long manis ia.