“Era Maroroya na Siga na Veitacini yalewa na Rollins!” iTokani, June 2021
iTukutuku ni iTokani Vakavula, June 2021
Era Maroroya na Siga na Veitacini yalewa na Rollins!
A tukuna o Jisu Karisito vua na Parofita o Josefa Simici e vuqa na ka bibi me vukei keda. Sa tuva na Lotu e dua na tabaivola me tabaki kina na vosa i Jisu. Ena sala oqori sa rawa kina vei ira na tamata mera wilika.
Ena dua na siga, era a lako mai e dua na ilawalawa turaga cudrucudru. Era vakarusa na vanua ni tabaivola. Era a kolotaka na draunipepa ni ivolanikalou ki gaunisala.
Rau a raica na ka a yaco e rua na yalewa veitacini o Mary Elizabeth kei Caroline Rollins. Erau cici yani ka kumuna na draunipepa e ligadrau.
Erau vuni ena loganisila o rau na goneyalewa me yacova ni ra sa biubiu na turaga. Erau sa maroroya na ivolanikalou! Na ivolanikalou oqori e muri a yaco me tiki ni Vunau kei na Veiyalayalati.
Au rawa ni wilika na ivolanikalou. Au rawa ni yaloqaqa ka tutaka na veika au vakabauta.
Tabana ni Rokarokataki
Au rawa ni yaloqaqa.
Na cava e vukei iko mo yaloqaqa?
© 2021 mai na Intellectual Reserve, Inc. Dodonu kece e taqomaki Tabaki e Amerika. Vakadonui me vaka-Valagi: 6/19. Vakadonui me vakadewataki: 6/19. iVakadewa ni iTukutuku Vakavula ena iTokani, June 2021. Fijian. 17470 858