Porous Iteiten maram Ren Pochokunen Serafo Porous, February 2021

Ifa usun ai upwe tongeni sinei pwe ngang mi rong nouwen ewe Samon non manauei?

anuon a anea kewe pukefel

Preseten Russell M. Nelson a mochen kich sipwe “ekipwichi me iteitan” ifa usun ach rongorong Jises Kraist me sipwe “kuta anen ach sipwe rongoch ngeni I me fan chommong” (“‘Ifa Usun Kopwe #RongI?’ Eu Tingor mi Auchea,” Feb. 26, 2020, blog.ChurchofJesusChrist.org).

Sia tongeni rong I seni ekkewe pukefel me an ekkewe soufos kapas. Nge esapw chok ach rong me anea ekkewe kapas ina ena kii. Seni ewe Soufos Joseph Smith, ewe Samon a awewei:

“Iei mongungui ua apasa [ekkei kapas] ngeni kemi; pwe ra katou seni Nguni ngeni kemi … ;

“Ina minne, ka tongeni pwarata pwe kafen rong mongungui” (Doctrine and Covenants 18:35–36).

Non pwan ekkoch anen, kuta ian sipwe rong Nouwan me ian esapw och mettoch sipwe fori non atapwanapwan. Preseten Nelson a apasa, “pwe epwe wor ach sipwe engino me nikitu ngeni” (“Ausening Ngeni,” Apr. 2020 mwichenapen mwichefel [Ensign or Liahona, May 2020, 89]).

Nupwen ka kaeo, iotek, pin ngeni, angang, me aneasosich an ewe Samon kewe annuk, Epwe efeiochuk ren Ngunun we me seni an Jises Kraist we Achasefan, epwe ekesiwinuk. Iwe ka tongeni sinei pwe kafen rong Mongungun.

© 2021 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. ChiakunMaram Ren ewe Pochokunen Sarafo Porous, February 2021.Chuukese.17463 901