Mai, pe’e mai : Te Buka a Moromona

E aha te aura’a o te parau ra ’ia fa’afāriu-mau-hia ?

3 Nephi 27–4 Nephi

(19–25 nō ’Ātopa)

What does it mean to be truly converted

I muri a’e i te fāra’a mai te Fa’aora i te ’āti Nephi, ’ua fāri’i rātou fātata e 200 matahiti i te orara’a i roto i te tāhō’ē ’e te hau nō te mea « ’ua hope rātou pā’āto’a i te fa’afāriuhia i te Fatu » 4 Nephi 1:2).

Te ’oa’oa ’e te tāhō’ē

’Ua ’oa’oa ’e ’ua tāhō’ē te ’āti Nephi nā roto i tā rātou mau ’ohipa parau-ti’a (a hi’o 4 Nephi 1:2–15).

• E mea ’āfaro ’e e mea maita’i rātou i te tahi ’e te tahi.

• ’Ua pe’e rātou i te mau fa’auera’a a te Mesia.

• ’Ua ha’eha’a rātou i roto i te ha’apaera’a mā’a ’e te pure.

E aha te tahi atu mau hi’ora’a o te mau ’ohipa parau-ti’a a te ’āti Nephi ? E nehenehe ’outou e tai’o i te 4 Nephi 1:2–15 ’e ’ia fa’a’ī i te vāhi ’uo’uo i te tahi atu mau hi’ora’a tā ’outou e ’ite mai :

• _______________________________________________________________

• _______________________________________________________________

Te oto ’e te ’āmahamaha

Te fifi, ’aita terā rahira’a matahiti o te hō’ēra’a ’e te ’oa’oa i vai noa e a muri noa atu. I te pae hope’a, ’ua fa’aea te ’āti Nephi i te ha’apa’o i te mau fa’auera’a a te Atua (a hi’o 4 Nephi 1:24–31). Nō tō rātou ravera’a i te reira :

• Riro mai nei rātou ’ei feiā ’ā’au pipiri ’e te fa’ateitei.

• ’Ua patu a’era rātou i tā rātou iho ’ēkālesia nō te ’imira’a moni.

• ’Ua huna rātou i te ’Ēkālesia a te Mesia.

’Āparaura’a

• ’A fa’aau i te ’oa’oa o te mau ’āti Nephi parau-ti’a i te ’oto a riro ai rātou ’ei feiā parau-ti’a ’ore. ’A feruri i te ta’a-’ē-ra’a ’e a ’imi i te mau rāve’a e nehenehe ai ’outou ’ia fa’afāriu-rahi-hia a’e i te Fatu ra.

• E nehenehe ānei ’outou e mā’iti i te hō’ē mea tā ’outou e nehenehe e ha’amaita’i i roto i tō ’outou orara’a ?

• Nāhea e nehenehe ai i teie mau mea ’ia ha’afātata ia ’outou i tō ’outou mau hoa, te ’utuāfare, ’e i te Fatu ?