’Ia ora na nō Madegata mai
’Ia ora, ’o Margo ’e ’o Paolo māua.
Tē ratere nei māua nā te ao nei nō te ha’api’i mai nō ni’a i te mau tamari’i a te Atua. ’A ’āmui mai ia māua ’a haere ai māua i Madegata !
Madegata, te hō’ē motu i te pae hitia o te rā nō Afirika. E mea rahi te mau rā’au ’e te mau animala ’aita e ’itehia i te tahi atu mau vāhi i te ao nei— mai teie ’ūrī ta’ata !
Tē tauturu nei teie mau tamāroa ’ia amo i te mau fa’ari’i pape nō tō rātou ’utuāfare. Nāhea ’outou i te tauturu i tō ’outou ’utuāfare ?
E mea na’ina’i roa te ’Ēkālesia i Madegata, terā rā te tupu nei te reira i te rahi ! Nō teie taime, te vai nei 14 pāroita ’e e 26 āma’a i reira.
’Ua hau atu te mau huru o te mo’o ’ū rau e ora nei i Madegata i te tahi atu vāhi i te ao nei !
E nehenehe teie mau tumu baobad rarahi e ha’aputu e rave rahi pape i roto i tō rātou tumu— tae’a-roa-hia i te 120,000 litera !
E rave rahi ta’ata i Madegata e ’amu i te raiti e piti ’aore rā, e toru taime i te mahana, ma te ano’ihia i te tahi taime i te mā’a tupu, te pipi ’aore rā, i te i’o pua’a.
Te ta’o « hoa » i roto i te reo Madegata ’oia ho’i, namana. Mai te mea ē, e nehenehe ’outou e fārerei i te hō’ē hoa ’āpī i Madegata, e aha tā ’outou e parau iāna ?
’A fārerei i te tahi mau hoa tō mātou i Madegata !
’Ua ’ite au ē, ’o Iesu Mesia, tō tātou ïa Fa’aora.
Nathan, 7 matahiti, nō te mata’eina’a nō Antananarivo, Madegata
E peropheta Russell M.Nelson, nā te Atua.
Nomena, 6 matahiti, nō te mata’eina’a nō Antananarivo, Madegata
Nō Madegata ānei ’oe ? ’A pāpa’i mai ia māua ! E au roa māua ’ia fa’aro’o atu ia ’outou.
Māuruuru nō te haerera’a mai nā muri ia māua nō te māta’ita’i ia Madegata. ’’A pārahi !