!Bes Hag!

I Kam long Lori Foote

(I folem wan tru stori)

Hem we i raet i stap long Yuta, YSA

Ellie i lavem ol hag. Ol hag blong Papa. Ol hag blong Bubuwoman mo Bubuman. Ol hag blong Mama. Ol hag i mekem hem i harem gud. Mo sef. Mo hapi.

From hemia nao Ellie i haggem Mama long taem blong jos. Hem i laekem blong sidaon long leg blong Mama. Oltaem Mama i holem hem taet.

Nao sakramen miting i finis. I taem blong go long Praemeri. Ellie i laekem Praemeri. Hem i wan bigfala gel nao. !Hem i tri yia nao! !Hem i gat skripja blong hemwan!

Be tedei, Ellie i jes wantem blong haggem Mama blong hem olwe.

Mama i karem Ellie i go wokbaot aotsaed long klas. Insaed long Praemeri rum, Mama i mekem Ellie i sidaon long jea.

“?Mi save go wetem yu?” Ellie i talem.

“No.” Mama i talem. Voes blong hem i kaen. “Yu nid blong stap long klas blong yu,” hem i talem. “Mo mi nid blong go long klas blong mi.”

Mama i kisim fes blong Ellie. Afta, hem i wokbaot i go aotsaed long doa.

Ellie i filim wota blong ae i ron long fes blong hem.

Hem i tingting long Mama we i stap holem hem. Oltaem Mama i holem hem taem oli stap ridim Buk blong Momon. Oli stap rid oltaem wetem famli. Be samtaem, Ellie mo Mama, tufala nomo i rid.

Ellie i pikimap Buk blong Momon blong hem. Insaed, i gat wan pikja blong Jisas.

Ellie i sarem buk mo i haggem buk. Hem i filim se hem i stap haggem Jisas. Hem i harem gud. Mo sef. Mo hapi. !Hem i bes hag! ●