Tii Aika a Maiu Man te Iti: Kairake n Ikawai
Rineakin ae Akea Tokina
I ataia bwa n te tai aei ea boo au tai n rineia ngkana N na reitinako ni maiuakin au kainibaire ake I a tia ni karekei.
Ngke I ongo bwa e reke irou te tikaoratibu bwa N na kamatebwaia taetaen ao katein te aba teuana i Argentina are I a kaman ingainga nako iai, I aki kona n iangoia bwa aio bon moanakin te bitaki ae korakora inanon maiu.
I roko i Rosario, Argentina, are I maeka iai ma au utu aika kain Ana Ekaretia Iesu Kristo ibukiia Aika Itiaki ni Boong aika Kaitira. Ao ikanne e a waaki au ririki n neweaba te maiu n tamnei, maroro ma mitinare ao n iriiri tieminari ao intitiute. I tangiria n atai bwaai ni kabane, ao I kona n namakina te euangkerio ni kakabwaiai n aro aika a mwaiti.
Inanon te tai ae uarereke I akona ni karekea au koaua ni bwaninin reirei ake I a tia n reireinaki: onimaki, tangira, taotaonakinnano, tangira ae itiaki, onimaki, ao n ongeaba nakon ana tua te Uea, ake E a tia n anganiira bwa e na kataniira man te maraaki.
E aki tangiriira bwa tina rinanon maraki n akea bukina. E rang n tangiriira, ao E tangiria ni kakoaua ni kaota ae bati. Ma n tabetai, ibukin oin ara rinerine, ti aki kariaia te Uea bwa e na kaota ana tangira nakoira, ao mwiina e a bon tiku iroura. Ti riai ngkanne n toua te moan mwaneka ni kaoka te rau inanora. Aio te bwai are N na rinanona ibon irou.
Imwiin kamatebwaiana inanon namwakaina, reirei ma mitinare, ao kiraati, I rinanon te kakaitara teuana ae moan te kammaraki—kakaitara are e kaitarako ma namakin n taai akekei, kariiriiko bwa kona karaoi babaire aika aki eti n te tai aei, ao ni kataia n uruana maium are ko miakinna n taai aika a na roko. I reiakinna bwa te kaangaanga n tabetai (ao n taai aika a mwaiti) a roko man tabo nako aika ko aki kona ni kantaningai.
Arom n tau ao n tamaroa n am iango ao mwakuri n tainako n taraki bwa mwakoron are antai ngai, ni karokoa ngkai. I ataia bwa bwaai ake N nang karaoi a bon aki eti, bwa aomata ake I onimakiniia ngkoa a moanna ni Kaitarai reirei ake I ataia aika a koaua, ao anne are e a moanna ni karekea te marena imarenau ao Tamau are i Karawa. I ataia bwa n te tai aei ea boo au tai n rineia ngkana N na reitinako ni maiuakin au kainibaire ake I a tia ni karekei. Ngaia are ni karekean te korakora anne inanou are e tuangai bwa I aki kona ni waekoa n urui bwaai ake I a kaman kantaningai. I aki kona n uruana te kantaninga n te utu ae akea tokina ao te kainnaba ae tangira. Iai te bwai ae kairua inanon maiu, ao I ataia bwa I riai ni bitia.
Te namakin anne, n raonaki ma te koaua ae tibwa rikirake ni korakora, ao anera ni koaua inanon maiu ake a mena ikekei n tainako a buokai, a kamaiuai man te bua ao ni kakorakoraai n te aro are I a kona n rineia bwa N na rairaki ni karaoi bwaai ake e kantaningaia te Uea bwa N na karaoi. Ao I ataia bwa E mena ikekei n tainako, ni kakabwaiai n au kekeiaki n irii ana wirikiriki ao ana reirei ao n tiku n tau ibukin kakabwaia aika akea tokiia.
Ngke I iangoa te tai anne are I a rinanona n te tai aei, I iangoa te ninikoria n aki taekinaki, n ninikoria ni kaota au kainibaire, ao n te onimaki are Ia tia ni karekea are I teimatoa n taua.
E ngae ngke te tai n rairannano are e rimwina bon te tai ni maraki, ke n ata namakinan te kairua ao taai, ao n nanorinano, I rang kakaitau ibukina—ao N na teimatoa iai. Kakaitau ibukin te koaua anne, n te tai ae riai, I kona n namakinna bwa Tamau are i Karawa e a kabwarai au bure, ao E teimatoa n tangirai, ao E na bon teimatoa.
Te bwai are e rang kaangaanga irou bon reiakinan kabwaraan au bure ibon irou. I uringnga aron au namakin, n aki tau ao n akea tamaroau, iaon moau ao inanou. Ma au Tia Kamaiu e mena ikekei n tainako, n anganai te korakora ao te kaunganano. E karokoia aomata aika I kainnaoia iaon kawaiu ake a kona ni buokai n reiakina riki taekan te Ekaretia, ngkai N nang oki nako Belgium. A tangirai n arou are I mena inanona ao a buokai bwa N na manga tangirai ao n ataia bwa te bwai ae I rinanona aei e na aki riki bwa te maraki are N na uouotia n tainako. I kona n noora te tai n rinerine, n rinanon matoan au koaua are e a katana au kainibaire. Ngkai I noora anne ibukina bwa I mwakuri ni kakorakora au koaua rinanon te taneiai aei, I kona n riki bwa te kakabwaia ni maiuia aomata aika a mwaiti, ae kaan ao aika a raroa.
Tai maaku. Tai bwarannano, ao katana am kainibaire n tainako. I uringnga n tainako aron tamaroan ao tera kakabwaia are I kona n tibwa iai te tangira anne ibukin te Tia Kamaiu ngkai e a tia Ana tangira are aan te kateitei ni katea te reitaki ao te utu n tai aika a na roko. Ngkana ko rineia bwa kona ongotaeka ao n rinea te Tama are i Karawa ni bwaai ni kabane, n te tai ae waekoa ke rimwi, kakabwaia aika akea tokiia a na roko. Tai raraoma ngkana ko aki kona n noori ngkai, ma onimakinna bwa ni katoa bong, teutana riki, kona noora bain te Uea inanom maium. Ia reiakina te euangkerio ao ni karikirakea te koaua.
I bwabetitoaki ni Maati 16, 2019, n au uoote i Belgium, ao I rang kukurei ngkai I a tia ni karaoa te moan mwaneka aei n te kawai nakon akea tokina. Eng, N na kaitara riki ma kaangaanga aika a mwaiti iaon kawaiu—tina bane n rinanona—ma n raonaki ma au koaua inanou, I a tauraoi ni kaitarai, ngkai I ataia bwa Antai ae N na rineia.