O Auala e Fa e Sauniuni ai mo Aperila 2020

O le tausaga 2020 o le a faailoga ai le 200 tausaga o le Uluai Faaaliga, lea na tupu i le tautotogo o le 1820. E tusa ai la, na fofogaina mai e Peresitene Russell M. Nelson, o le konafesi a sau i le masina o Aperila, “o le a faamanatuina ai faavae tonu o le talalelei toefuataiina” (tagai i le itulau e 122).

Sa ia uunaia tagata uma ma aiga ina ia saunia mo lenei “konafesi tulaga ese” ma fautuaina mai ni auala talafeagai e faia ai:

1. Toe faitau i le tala a Iosefa Samita o le uluai faaaliga.

2. A o e suesue i le Sau, Mulimuli Mai ia te A’u i le 2020, mafaufau loloto i fesili e uiga i le malamalama ma faamanuiaga na mauaina ona o le Tusi a Mamona.

3. Mafaufau e faaaoga ia vitio fou o le Tusi a Mamona i suesuega a tagata taitoatasi ma faaleaiga.

4. Filifili ni au lava fesili ma mamanu lau lava fuafuaga e “faatofu ai oe lava i le malamalama mamalu o le Toefuataiga.”

“A’o e faia,” na saunoa mai ai Peresitene Nelson, “o le konafesi aoao ia Aperila a sau o le a le gata e manatua pea, ae o le a le galo lava.”