I le avea ai ma se tamaitai talavou, pe tatau ea ona sili atu lou taulai atu i le aoga ma se galuega po o le avea ma se ava ma se tina?
Ua tatou iloa “o le aiga o le totonugalemu lea o le fuafuaga a Lē Foafoa,” ma “o le uluai matafaioi a tina o le faafaileleina lea o a latou fanau.”1 Ma ua tatou iloa foi, mo le tele o mafuaaga lelei, o alii ma tamaitai ua fautuaina e perofeta ia a’otauina.2 E le gata i lea, tatou te iloa o le tele o tamaitai o le a manaomia pe mananaʻo e saili ni galuega.
Na saunoa mai Peresitene Dallin H. Oaks, Fesoasoani Muamua i le Au Peresitene Sili, e uiga i tamaitai, o le filifiliga e le o le va o le aiga poʻo le aʻoga ma le galuega. “O le taimi tatou te filifili ai,” o lana saunoaga lea. “Ma tatou te sailia musumusuga a le Alii ma aoaoga a Ana auauna i le faia o lena mea.”3
Fuafua e a’otauina, ma fuafua e fai se aiga. E mafai foi ona e fuafua e maua se galuega. I nei mea uma, o lau taulaiga e tatau ona i ai i le mulimuli i le fuafuaga a le Tama Faalelagi ma saili Lona finagalo.