Faafeiloai atu mai Estonia!
O ma’ua o Margo ma Paolo. O le tausaga lenei o loo ma malaga taamilo ai i le lalolagi e aoao e uiga fanau a le Atua. Faatasi mai ma i ma’ua a o ma asiasi i Estonia!
O Estonia o loʻo i Europa i matu. E silia ma le 2,000 motu. E tusa ma le 1.3 miliona tagata e nonofo i Estonia.
O le “talofa” lenei faaEstonia: Tere!Ma o le ta’uina lenei o le igoa o le Ekalesia: Viimse Aja Pühade Jeesuse Kristuse Kirik
O Tallinn lenei, le taulaga o Estonia. Ua i ai nei mo le 800 tausaga! O Estonia e i ai le tele o vaomatua, e pei o togavao ma taufusi. O le mea moni, e sili atu i le afa o Estonia e ufitia i le vaomatua. E toatele tagata i Estonia e fiafia i le faʻaaluina o taimi i fafo.
O le a le taumafataga o le afiafi i Estonia? Atonu o le fasi puaa po o le iʻa ma pateta, kapisi, kulimi oona, ma le falaoa uliuli. O se taumafa e faaigoaina o le sanuisi ia.
E te fiafia e pese i le Peraimeri? I tausaga tai lima uma lava, e potopoto ai Estonia i se tausamiga tele e faamanatu ai lo latou atunuu i pesepesega ma siva.
O le Ekalesia i Estonia e laitiiti ae malosi. E tusa ma le afe tagata o le Ekalesia. O lo latou malumalu pito lata ane o Helsinki, Finelani.
Feiloai mai i se uso teine mai Estonia!
I se tasi po ina ua ou manao ou te alu e moe, sa leiloa ai laʻu meataalo o le pea. Sa ou suea ae sa le mafai ona ou mauaina. Sa ou tatalo. Ona ou mauaina lea o la’u pea ma faia ni miti lelei.
Biaka J., 7 tausaga
O le matou aiga e fiafia e auauna atu i isi. O le auauna atu i isi e fesoasoani ia i tatou e lagonaina le Agaga Paia, lea na te aumaia se lagona mafanafana o le filemu ia i matou. Matou te faia ma oʻu uso ni meaalofa mo isi aua matou te mananao latou te lagonaina le alofagia.
Piibe J., 10 tausaga
Faafetai mo le asiasia o Estonia ma i ma’ua. Feiloai i se isi taimi!