E Tuberi Au Tiko Li na Kalou?

iVakatakilakila

young adult standing by train

Na noda bula e sinai tu ena digidigi lelevu: na matacakacaka cava meu digia, meu vakawati kei cei, meu laki vuli ki vei, kst. (ka so tale). Na noda bula e sinai talega ena kauwai ni veisiga: digia na taurivaki vinaka duadua ni gauna, tovolei me kilai sara na ivunau, kune vakacegu e loma ni dredre. Ni tauri kece, eda gadreva na ivakatakila yadua. Ia eso na gauna e rawa ni dredre na kila se vakacava na kena ciqomi ka vakacava na kidavi ni sa yaco. Ni da ciqoma tiko se kidava na isau, e rawa ni da vakasama, “Na Yalotabu beka oya se na noqu vakasama ga?” “Na cava au vakila na veivakauqeti meu cakava ka qai cala?” “Na cava au dau vakila ni vaka na Kalou e sega ni sauma noqu masu?”

Kalougata, ena “Caka Vakatulewa: Digidigi vs. iVakatakila” (tabana e 44), e wasea kina o Erin nona italanoa baleta na ivakatakila yadua ni a dodonu me cakava e dua na vakatulewa veisautaki-bula. E yaco ni vinakata na Kalou me dusimaki keda, e vinakata talega O Koya me vukea meda nuitaka noda galala me caka digidigi vinaka.

Na vulici ni vakacava na vosa ni Yalo Tabu vei iko yadua e dua tale na tiki bibi ni ciqomi kei na kidavi ni ivakatakila. Ena rawa ni duidui vei keda yadudua. Ena tabana e 48, e levu na itabagone qase cake era wasea era ciqoma vakacava na ivakatakila.

Ena dua na itukutuku livaliva ga, e vakamacalataka o Aspen ni ivakatakila yadua e gadreva na “Vakaukauwataka Nomu Ua Vakayalo.”

Na vakasamataki ni gaunavou e rawa ni veivakadrukai, rawa sara ni rerevaki. Vakabibi ki na itabagone qasecake. Ia niu nanuma e vakacava nona liutaka noqu bula na Kalou mai liu, e solia vei au na yaloqaqa me toso ki liu ka yavala, vakabauta tiko ni na kuria O Koya me solia vei au na veidusimaki au gadreva ena salatu.

Wekamuni dina,

Katie Sue Embley

iVakasala Uasivi Duadua…

O ira na itabagone qase cake era wasea na ivakasala uasivi duadua era se bau ciqoma me baleta na ciqomi ni ivakatakila yadudua:

“Na noqu daunivakasala ni EFY ea tukuna vei au ena dua na gauna, ‘Vakatubura nomu veiwekani kei na Kalou me vaka na Tama ni yalomu dina. Na kena kaukauwa cake na nomu veiwekani kei Koya, na kena levu cake ni nomu kila ka ko dusimaki.’ Na ka oya e sa vakayacora e dua na duidui levu ena noqu masu.”

—Grant Goolsby, California, Amerika

“Na neimami peteriaki ni iteki e kacivi keimami kece me keimami cavuqaqataka na malanivosa: ‘me ciqomi na ivakatakila, wili ivakatakila.’ E sa vukei au vakalevu niu sa dauwilika na ivolanikalou.”

—Shelby Tippetts, Missouri, Amerika

“Taura na gauna mo vakasama titobu kina. Ko Josefa Simici e vakasamataka titobu na Jemesa 1:5 ni bera ni bucina me yavala. Eso na gauna e dau vinakati keda na Tamada Vakalomalagi me da vakavutubu ena masu kei na vuli ni bera ni solia veikeda na iwali. Eda vuli vakalevu sara ena sala oya.”

—Natasha Herbst, Utah, Amerika

“Vakarorogo ena lomamu, sega ena daligamu.”

—Sai Tua, Samoa va-Amerika

Na ivakasala uasivi duadua cava ko sa bau ciqoma baleta na veivutuni? Vakauta mai vei keitou na nomuni isau ena liahona.lds.org ni bera na 30 ni Epereli, 2019.