Mai na Mataveiliutaki Taumada
Na iSolisoliCecere ni Kalou
Mai vei Peresitedi Russell M. Nelson
Mai na “Me Vakavinavinakataki Ga na Kalou,” Liaona, Me 2012, 77–80.
Dua na siga keirau a raica kei Sister Nelson eso na ika ni wai bulabula ena dua na taqe wai. Era veisiriyaki na ika dui roka ka duidui na kedra ibulibuli kei na kedra lelevu. Au a taroga e dua a cakacaka e kea, “O cei e vakani ira tiko na ika totoka oqo?”
A sauma mai, “O au.”
Au taroga lesu, “Era sa bau vakavinavinaka mada na ika vei iko?”
E sauma, “Se bera tiko!”
Eso na tamata era sa vaka na ika oqo. Era sega tu ni vakila na Kalou kei na Nona cakavinaka vei ira. Ena vinaka cake sara kevaka meda na kila taucoko na Kalou dauloloma ka vakaraitaka na noda vakavinavinaka Vua.
Vakavinavinakataki Jisu Karisito
Na Kalou a tala mai na Luvena, o Jisu Karisito, me mai vukei keda. A cakava o ya baleta ni lomani keda vakalevu.
A lako mai o Jisu me mai vueti keda.
Ena vuku ni Nona Veisorovaki, eda sa rawa ni tucaketale ni oti noda mate.
Ena vuku ni Nona Veisorovaki, sa rawa kina vei keda meda laki bula tawamudu vata tale kei na Tamada Vakalomalagi.
A vakamacalataka o Jisu:
“Oi au na vu-ni tucaketale, kei na vu-ni-bula, o koya sa vakabauti au, kevaka sa mate ena bula ga, ia ko koya sa bula ka vakabauti au ena sega sara ni mate.” (Joni 11:25–26).
Oqo na itukutuku totoka ni Siganimate.
Sa Noqu iVakabula o Jisu
A tucaketale o Jisu ena mataka ni Siganimate. Wilika na yatuvosa mo kila na veika sa cakava o Koya vei keda. Rokataka na serau ni matanisiga ni o wilika oti na yatuvosa yadua. Mo qai rokataka na vo ni iyaloyalo.
-
A vakararawataki o Jisu mai Kecisemani ka vakakina ena kauveilatai me vakabulai keda mai na noda ivalavala ca.
-
A mate o Jisu ka tucaketale me vakabulai keda mai na mate.
-
Sa solia vei keda na sakaramede o Jisu me vukea meda daunanumi Koya.
-
A vakavulici keda o Jisu meda veivosoti vakaikeda.
-
Sa vakaraitaka vei keda o Jisu na sala meda dau yalololoma kina.
-
Ena vuku i Jisu, eda na tucake kece tale ni oti noda mate.