Kaota Am Taura
Tibwauaakin Tinaeki ao te Moangare
Ngaira Sam ao Anastasia, ao ti kataia ni KAOTA ARA TAURA n ibuokanbwai ma tabeman!
Ti na Kanga n Ibuobuoki?
Te tabo are ti maeka iai, i Florida, USA, ti nooria aomata aika mwaiti aika akea mweengaia. Ti miimi bwa ti na kanga ni buokiia. Iesu e kamwarakeia aomata ake a baki, ao ni kabane a kainnanoa te amwarake! Ngaia are ti baireia bwa ti na karaoi kaonteina n tinaeki ibukin bwaai aika a karina n riki.
Kabooi Bwaai ni Katauraoi ibukin Baika a Kainnanoaki
Raoraora Joa e buokiira ni kabooi bwaai ni katauraoi ibukin baika a kainnanoaki n te titooa ae kakateuana te taaraa booia.
Karaoan Kaonteina ni Bwai
Ti karinii mwakoro ni bwata, te kariki ma te tiiti, ao tabeua tinaeki aika kangkang inanon nnen karara. E kataa naba teuana Sam n nooria!
E tikiraoi!
Tibwauaakin ara kaoteina e karika moangarera. A taku tabeman aomata, “Ko rabwa!” ao “e Tikiraoi!”
Kaonteina ni Bwai aika a Mwaiti Riki
E kanakoa te rongorongo aei tinara aonraain, ao te mwaanga ibukiia kairake n ikawai aika tuai n iein a kunea rongorongona. A karaoi riki 100 kaonteina n tinaeki ibukin taabo ni katantan ibukiia aomata ake akea mweengaia. Taabo ni katantan a kamanenai ni kaoiia aomata bwa a karin araia n te burokuraem ni buokiia ni karekei mweengaia. Anne e karika kukureira ae bati!