Bannan te Onimaki
Amanda Jiri
Cape Town, Aberika Maiaki
Ngke e roko te kaangaanga ni maiun Amanda ngke tebwi tabun ana ririki, e a keerikaaki man te Ekaretia ao e a kakaei taneiai aika a boou. Imwiin itiua te ririki,e a bua ana kantaninga Amanda. Karekean te kukurei e waaki man te titiraki ae kakaawaki.
Cody Bell, te tia rawetamnei
Au utu a bwabetitoaki n 1993 Au karo a raure itua te ririki imwiina, ao teutana imwiin teuatana tariu ao mwaaneu a manga bwaka naba man te Ekaretia. N 1998, ngke I a roko n te katebwi ma teuana ni koraki, ngai naba I keerikaaki.
I berita ibon irou bwa N na rinanon bwaai aika a boou ao n taratarai ekaretia tabeua. Tabeman raoraou a kaoai bwa N na iri aia ekaretia, ma I aki nanako. Tiaki bukina bwa I namakina te reitaki n aia Ekaretia. Bon ibukina aika I aki mweengaraoi iai, e karika te totoko. E kona n ae I aki uti, ke iai au baire tabeua, ke tao I a kakaai nako au anga.
I aki kakaonimaki inanon te maan ae waniua te ririki. N te tai aei, I a irekereke ma rao aika I aki riai n irekereke ma ngaiia. Tinau e rootaki ana iango. E taonai te nanokawaki. I namakina ae bua au onimaki. I a tabe n iango, “N ningai te tai ae I rang kukurei iai?”
Ngkana ko taraa maiu mai tinaniku ao ko na bae n iango, “E rang kamaiu maiun neierei!” I irekereke ma aomata aika a rang kinaaki ao n taraa n nakoraoi maiuia. Ma bon inanou bon te akea ao I namakina ae I aki boongana.
Imwiina ao I iango ngke I a mena n te Bootaki n Ataeinnaine. I ataia bwa anne te tai are I namakina raoi iai te kukurei. I baireia bwa N na okira te aro n te Tabati are imwiina. I kaitibo ma te beretitenti n te mwaanga ao I a moana au rairannano.
Tabeua te tai imwiina, I weteaki bwa N na mwakuri ma Ataeinnaine Ngke ti taekina aia botoniango Kairake n Ataeinnaine, I uringnga n te tai ae waekoa! N te bong aei, ni katoatai are I taekina iai te botoniango, I karekea te kamatoa bwa te Ekaretia ngaia te tabo ae I riai n tiku iai.