2017
Laef long Wan Laef blong Givim Evri Samting
August 2017

Visiting Tijing Mesej, Ogis 2017

Laef long Wan Laef blong Givim Evri Samting

Stadi long toktok ia mo luklukgud blong save wanem blong serem. ?Olsem wanem we taem ol sista oli andastanem stamba tingting blong Rilif Sosaeti, oli mekem ol gel blong God oli rere blong kasem ol blesing blong taem we i no save finis?

Pikja
Relief Society seal

Fet Famli Help

“Blong konsekretem samting i blong putum samting i stap o dediketem samting blong i kam tabu, i blong yusum long ol tabu stamba tingting,” Elda D. Todd Christofferson blong Kworom blong Olgeta Twelef Aposol i talem. “Tru sakses long laef ia i kam taem yumi konsekretem (givim evri samting long) laef blong yumi—olsem taem blong yumi mo ol joes—blong mekem ol stamba tingting blong God.”1

Elda Nil A. Makswel (1926–2004) blong Kworom blong Olgeta Twelef Aposol i talem, “Yumi traem blong tekem konsekresen olsem fasin blong sarenda, blong paoa blong God i daerektem, ol samting blong yumi long wol ia. Be stamba tingting blong konsekresen i blong givim yumiwan bakegen long God.”2

Taem yumi konsekretem yumiwan long ol stamba tingting blong God, fet blong yumi long Jisas Kraes mo Atonmen blong Hem bae i gro. Taem yumi stap laef long wan laef we oli konsekretem, yumi bae kam tabu tru long ol aksen ia.

Carole M. Stephens Fas Kaonsela long Rilif Sosaeti Presidensi, i talem: “Elda Robert D. Hales i bin tijim se: ‘Taem yumi mekem mo kipim ol kavenan, yumi stap kamaot long wol mo go insaed long kingdom blong God.’

“Yumi jenis. Yumi lukluk long defren rod, mo wok defren. Ol samting we yumi lisin long hem mo rid mo talem, oli defren, mo wanem yumi werem i defren from se yumi kam ol pikinini gel blong God we i wokbaot wetem Hem tru long kavenan.”3

Konsekresen i kavenan we God i mekem “wetem laen blong Isrel; Afta long ol dei ia, Lod i talem, Mi bambae Mi putum loa blong Mi insaed blong olgeta, mo raetem insaed long ol hat blong olgeta; mo bambae Mi Mi God blong olgeta, mo olgeta bambae oli ol pipol blong Mi” (Jeremaea 31:33) Laef long wan laef we oli konsekretem i folem plan ia we Papa i gat blong yumi.

Sam Moa Skripja

Fas Tesalonaeka 1:3; Doctrine and Convenants 105:5;

reliefsociety.lds.org

© 2017 i kam long Intellectual Reserve, Inc. Oli holem evri raet. Oli printim long YSA. Oli letem long Inglis: 6/17 Oli letem translesen: 6/17 Translesen blong Visiting Teaching Message, August 2017. Bislama. 97928 852

Ol Not

  1. D. Todd Christofferson, “Reflections on a Consecrated Life,” Liahona, Nov. 2010, 16.

  2. Neal A. Maxwell, “Consecrate Thy Performance,” Liahona, July 2002, 39.

  3. Carole M. Stephens, “Wide Awake to Our Duties,” Liahona, Nov. 2012, 115–16.