Yut

Glad olsem wan Disaepol blong Jisas Kraes.

?Yu bin gat wan nogud dei finis? ?Yu bin mekem wanem blong mekem yu stap glad? Presiden Uchtdorf i save se “yumi wanwan i gat ol wari blong yumi, ol harem nogud blong yumi, mo ol bigfala sore blong yumi. Yumi save gat tingting i foldaon mo samtaem harem nogud blong yumi i bigwan tumas.”

Ansa we hem i givim i blong laef long wanem hem i singaot “laef blong wan disaepol”: “stap fetful mo gohed blong muv fored wetem fet.” !Taem yumi muv fored wetem fet, yumi save trastem God, kipim ol komanmen blong Hem, mo givim seves long ol narawan—mo filim glad long taem blong evri samting ia! Olsem we Presiden Uchtdorf i talem, “Olgeta we oli laef long wan laef blong disaepol … oli olgeta we ol smolsmol wok blong olgeta i mekem wan bigfala jenis.”

Lukluk blong mekem wan lis blong ol wei we yu save laef long laef blong wan disaepol. Eksampol, yu save raetemdaon wan tingting abaot seves olsem “Helpem wan papa o mama blong mekem dina” o wan tingting blong kipim komanmen olsem “Prea blong gat fasin blong save wet longtaem wetem ol brata mo sista blong mi.” Nekis taem yu filim ol samting oli no kam gud o harem nogud tumas, !pulumaot lis blong yu, jusum wan tingting, mo traem mekem!