2017
Prishud Pawa i kam long taim yumi Holim Pas ol Kavanen
June 2017

Visitin Tising Toktok, Jun 2017

Prishud Pawa i kam long taim yumi Holim Pas ol Kavanen

Wantaim preiya stadim dispela ol samting na lukluk long save wanem samting bai yu sherim Hau bai save bilong ol long as tingting bilong Rilif Sosaiti bai redim ol pikinini meri bilong God long ol blesing bilong laip oltaim oltaim?

Relief Society seal

Feit, Femili, Rilif

Elda Neil L. Andersen bilong Kwarom bilong ol Twelpela Aposol i bin tok: “Toktok bilong mi long … olgeta lain em olsem yumi ken stap laip olgeta aua taim yumi ‘kisim blesing i kam long strong bilong prishud pawa,’ maski long wanem kain stap bilong yumi.

“… Taim yu wok long stap gut tasol insait long ol odinens bilong prishud, Bikpela bai givim yu bikpela moa strong,bel isi, na lukluk bilong laip oltaim oltaim. Maski long wanem kain stap bilong yu, hom bilong yu bai kisim “blesing bilong strong bilong prishud pawa.”1

Hau bai yumi askim prishud pawa i kam insait long laip bilong yumi? Elda M. Russell Ballard bilong ol Kwarom bilong ol Twelpela Aposol i tokim yumi gen olsem “ol dispela lain husat i go insait pinis long wara bilong baptais na bihain long dispela kisim pinis spesol blesing insait long haus bilong Bikpela na kamap inap long kisim ol planti moa na gutpela blesing. Dispela spesol blesing em olsem stret spesol blesing bilong pawa …[na] Papa bilong yumi long Heven em i man bilong givim ol samting wantaim pawa bilong Em.” Em i tokim yumi gen olsem man na meri “tupela wantaim i kisim dispela sem pawa” insait long tempol, “we long mekim klia em prishud pawa.”2

Linda K. Burton, Rilif Sosaiti Jenerol Presiden, i tok: “Bikos prishud pawa em i samting yumi olgeta laik long gat insait long ol femili na ol hom bilong yumi, wanem samting yumi nid long wokim long bringim dispela pawa kam insait long laip bilong yumi? Gutpela pasin bilong yumi wanwan em i impoten long kisim prishud pawa.”3

“Presiden Russell M. Nelson, Presiden bilong Kwarom bilong ol Twelpela Aposol i tok: “Sapos yumi daunim yumi yet na givim yumi i go long ai bilong Bikpela na askim Em long tisim yumi, Em bai soim yumi long hau long apim wei long yumi ken kisim pawa bilong Em.”4

Ol Sampela Narapela Skripsa na Infomesen

1 Nephi 14:14;Doctrine and Covenant 121:36; 132:20; reliefsociety.lds.org

© 2017 ikam long Intellectual Reserve, Inc. Olgeta toktok hia i bilong sios tasol Printim long USA. Tok orait long Inglis: 6/16. Tok orait long tanim tokples: 6/16. Tanim tok bilong Visiting Teaching Message, June 2017. Tok Pisin. 97926 878

Ol nout

  1. Neil L. Andersen, “Pawa insait long Prishud,” Liahona, Nov. 2013, 92, 95.

  2. M. Russell Ballard, “Ol Man na Meri na Prishud Pawa,” Liahona, Septemba.2014, 36

  3. Linda K. Burton, “Prishud Pawa —i Stap Long Olgeta long Kisim,” Liahona, Jun 2014,21.

  4. Russell M. Nelson, “Dispela Prais bilong Prishud Pawa,” Liahona, Mei 2016, 69.