Doctrinal Mastery

Sa kalibutan karon sa dali nga mga impormasyon sa Internet, ang mga kabatan-onan kasugat na og mga tawo nga moataki sa Simbahan. Apan usa ka bag-ong inisyatibo nga gitawag og Doctrinal Mastery nagtabang sa mga estudyante sa seminary sa pagpalambo og mas lawom nga pagsabut sa doktrina sa ebanghelyo ug pagpalambo sa ilang hugot nga pagtuo kang Jesukristo.

Magkat-on usab ang mga estudyante kon unsaon sa pagtubag sa lisud nga mga pangutana ug mga isyu pinaagi sa pagpakita og hugot nga pagtuo, pagsusi sa mga konsepto ug mga pangutana uban sa mahangturong panglantaw, ug pagpangita og dugang nga panabut pinaagi sa balaanong gitudlo nga mga tinubdan.

Sa usa ka pakigpulong sa mga Seminary ug Institute personnel, si Elder M. Russell Ballard sa Korum sa Napulog Duha ka mga Apostoles naghisgot sa Doctrinal Mastery: “Kini nga inisyatibo dinasig ug tukma sa panahon. Makahatag kini og talagsaong impluwensya sa atong kabatan-onan.”

Ang importanting mga tumong sa Doctrinal Mastery mao ang pagtabang sa mga estudyante nga:

1. Makaangkon og espirtuhanong kahibalo

2. Maka-master sa doktrina sa ebanghelyo ug sa mga tudling sa kasulatan diin gitudlo kana nga doktrina.

Makadugang unsay nahimo na sa una pinaagi sa Scripture Mastery, niining lawom nga paningkamot ang mga estudyante makahimo sa paglig-on sa ilang pagkakabig ug pasalig isip mga disipulo ni Jesukristo, makaangkon og proteksyon batok sa impluwensya sa kaaway, ug sa pagpanalangin sa uban.

Ang mga kapanguhaan sa Doctrinal Mastery makita sa lds.org/si/seminary/manuals.