Ang Ating Pahina

our page

good shepherd

Si Jesus ay parang isang mabuting pastol, at tayo ang Kanyang mga tupa. Gusto Niya tayong pangalagaan.

Victoria P., edad 10, Federal District, Brazil

Miranda

Nagkaroon ako ng magandang karanasan noong pitong taong gulang ako. Ginusto kong malaman kung totoo ang Simbahan. Kaya nagdasal ako at nagtanong sa ating Ama sa Langit. Natapos akong magdasal, at nahiga na ako para matulog. Napanaginipan ko na sinabi sa akin ni Jesucristo, “Ito ang totoong Simbahan.” Pagkagising ko, naalala ko ang panaginip ko, at nalaman ko na nasa totoong Simbahan ako.

Miranda R., edad 9, Querétaro, Mexico

Angel

Natutuwa akong maging miyembro ng Simbahan. Si Jesucristo ay kaibigan ko at pinoprotektahan Niya ako at ang pamilya ko. Gusto kong bumisita sa templo. Gusto ko ang family home evening at Primary.

Angel M., edad 11, Colón, Panama

brothers with model of the temple

Para sa isang mithiin sa aming buklet na Pananampalataya sa Diyos, nagpasiya kaming gumawa ng modelo ng Montevideo Uruguay Temple. Isang taon naming niyari ito, pero sulit ito. Pagsapit namin ng 12 anyos, mithiin naming makapasok sa templo.

Samuel O., edad 10, at Enzo S., edad 11, Rivera Department, Uruguay

Ikaw Naman!

Maaari mong ibahagi ang iyong karanasan, patotoo, at retrato sa Ang Ating Pahina. Mag-email sa [e-mail] at isama ang pahintulot ng magulang, o bisitahin ang liahona.lds.org at i-klik ang “Submit an Article.”