iTabagone
A Vosa vei Au na Tamada Vakalomalagi ena dua na Vosa ni Koniferedi
E vakaitikotiko o dauvolaivola e Sergipe, Brazil.
Au a vakatitiqa voli me baleta na ka meu na vulica ena univeseti. Levu na tamata a vosa vakacataka na lesoni au a via taura, kau masuta na Turaga meu raica ke sa vakadonuya o Koya na noqu vakatulewa.
A basika mai na noqu isau ni masu ena siga ka tarava niu wilika voli e dua na vosa ni koniferedi raraba ena Liaona Au vakila me vaka a tukuna voli vei au na Tamada Vakalomalagi ni sega ni rawa ni digidigi vei au o Koya—oqo sa dua na vakatulewa meu na cakava duadua. Au sa kila ni veitalia na ka au digitaka, sa dodonu meu na cakacaka vakaukauwa meu rawaka kina.
Au kila ni sa saumi na noqu masu. A vukei au na veivakadeitaki ni Yalo Tabu ena caka ni vakatulewa. Au sa vulica meu dau sasaga vakalevu sara ka kila ni na vukei au na Tamada Vakalomalagi.