Muri ira na Parofita kei na iApositolo
Na Kalou ena kaciva na parofita kei na iapositolo mera vakavulica na ka e vinakata na Kalou meda kila. Eda rawa ni kila na veika baleti ira na parofita vakataki Noa, Nifai, kei Josefa Simici kei na iapositolo vakataki Pita kei Paula. Era tiko vei keda na parofita kei na iapositolo nikua!
Na cava na “parofita, daurairai, kei na dauvakatakila”?
Na parofita e vosa vua na Kalou.
Na daurairai e rawa ni raica na gauna sa oti, nikua kei na veisiga ni mataka.
Na dauvakatakila e vakatakila se (vakaraitaka) na loma ni Kalou vei keda.
-
O iratou na lewe ni Mataveiliutaki Taumada eratou parofita daurairai ka dauvakatakila. Sa vakakina o ira kece na iApositolo.
-
Na peresitedi duadua ga ni Lotu e ciqoma na ivakatakila me liutaki kina na Lotu raraba.
-
E vica kece na iwiliwili ni parofita daurairai ka dauvakatakila era bula tiko e daidai.
12 15 3 1
iSaunitaro 15
Na cava e bibi kina na talairawarawa vei ira na parofita?
Na parofita e vaka e dua e rai tu mai na dua na tawa (raica talega na tabana e 38). O koya e rawa ni raica na leqa sa roro tiko mai ka tukuna na ka meda na taqomaki kina. O koya e vukei keda meda vakamuri Jisu Karisito.
Na cava sa kerea na noda parofita meda cakava?
Na noda parofita nikua o Peresitedi Thomas S. Monson. Oqo e so na ka sa kerea o koya vei keda meda cakava.
-
Vakamuria na ivakaraitaki i Jisu ka lomana na tamata kecega.
-
Sauma na nomu ikatini ka soli ka ki na tobu ni kaulotu.
-
Kakua ni sarava na iyaloyalo ca mai na TV kei na niusipepa.
-
Vakaraitaka e dua na iyaloyalo ni valetabu ena veirumu ni nomu vale.
-
Vulica na vosa ena koniferedi raraba.
-
Sikovi ira na qase ka mo dua na itokani vinaka.
Digitaka e dua na ka o rawa ni cakava ena vula oqo. Na cava o na cakava?