Rongorongon Reirei ni Kakawari, Beberuare 2016
Te Mare E Katabuaki Iroun te Atua
Tataromwaaka ni kamatebwaia te bwai n reirei aei ao n ukoria bwa ko aonga n ataia bwa tera ae ko na tibwaia. E kanga ataakin “Te Utu: Te Katanoata nakon te Aonaaba” karikirakea am onimaki iroun te Atua ao ni kakabwaiaiia naake ko tararuaiia rinanon te reirei ni kakawari? Ibukin rongorongona riki tabeua, nakon reliefsociety.lds.org.
Onimaki, Utu, Buoka
Burabeti, abotoro, ao taan kairiiri a reiti nako ni “katanoata ma te kantaninga ae tabu bwa te mareaki imarenan te mwaane ao te aine e katabuaki iroun te Atua ao te utu bon te bwai ae kakawaki nakon ana babaire te Tia Karikibwai.”1
E taku Unimwaane D.Todd Christofferson man te Kooram n Abotoro n te Tengaun ma Uoman: “Te utu ae kateaki ni mareakin te mwaane ao te aine e katauraoi babaire aika a tamaroa ibukin ana babaire te Atua bwa a na maiureirei. …
“… Akea riki bwaai tabeua ae kona temanna ni bita aron te mare ae tabu aei”2
Bonnie L. Oscarson, te Beretitenti ni Kabuta n te Bootaki n Ataeinaine, e taku: “Aomata n tatabemaniia nako, e aki kakawaki bwa tera ae a rinanona n aia mare ke mwaitiia natiia, a kona n riki bwa taan katana ana babaire te Uea are e kabwarabwaraaki n ana katanoata te utu. Ngkana ana babaire te Uea, e riai naba n riki bwa ara babaire!”3
E reitia Unimwaane Christofferson: “Tabeman ibuakomi a aki karekea te kakabwaia n te mare ibukina bwa ti aki tau n aron akean te kantaninga ni baika kona ni karaoaki, kaitataan imarenan raom n aine ke ni mwaane, mamaara n te rabwata ke te iango, ke te maaku ni karaoa ae bure. … Ke kam a bae n tia ni mare, ma e a toki te mare anne. … Tabeman ibuakomi ake kam a tia ni mare a aki kona ni kariki. …
“N te aro are, … aomata n tatabemaniia nako a kona ni buoka te babaire ae tabu bwa e na koronanona inanon rooro nako.”4
Rakan riki Booki aika Tabu
Karikani Bai 2:18–24; 1 I-Korinto 11:11; Doctrine ao Covenants 49:15–17
Karaki n Taai Aikai
Te Tari Larry M. Gibson, te moan kauntira ngkoa n te beretitentii ni kabuta n te bootaki n ataeinimwaane, e uringa Shirley, kainnabana ngkai, e taku:
“‘I tangiriko ibukina I ataia bwa ko tangira riki te Atua nakoiu.’ …
“Te kaeka anne e korakora nanona nakoiu. …
“… [Ao] I tangiria n tainako bwa e na namakinna bwa I tangira te Uea nakon bwaai riki tabeua.”5
E reirei Unimwaane David A. Bednar man te Kooram n Abotoro n te Tengaun ma Uoman: “Te Uea Iesu Kristo nuukan te kantaninga n te reitaki n te mare ae tabu. … [Iangoia bwa] te Tia Kamaiu e kateaki i tabon [te] turaiangko, ma te aine e kateaki inano i tabon te koona teuana ao te mwaane n te koona are te iterana. Ngkai iangoia tera ae e riki n te reitaki imarenan te mwaane ao te aine ngkai ngaiia n tatabemaniia nako n te aro ae matoatoa a ‘nakon Kristo’ ao ni kekeiaki ni ‘kakororaoaki Irouna’ (Moronaai 10:32). Ibukin ao rinanon te Tia Kabooira, te mwaane ao te aine a uaia ni kaan riki.”6
© 2016 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/15. Kariaiakaki rairana: 6/15. Rairan te Visiting Teaching Message, February 2016. Kiribati. 12862 859
Iangoa Aio
N na kanga n tii Ngai n te aro ae matoatoa ni keiaki n “oki nakon Kristo”?