Yut
Wanpela As Tingting bilong Testimoni bilong Mi
Man husait i ratim dispela i stap long Utah, USA.
Taim mi bin sixpela ten yia, wanpela poroman kam long haus bilong mipela wantaim ol misinari. Insait long wanpela mun long taim mi wok long kisim ol toktok wantaim ol misinari, mi bin kisim klia bekim long olgeta askim bilong mi. Mi bin pilim Holi Gos testipai long trut bilong ol meseig bilong Restoresen. Em i bin narapela kain stret long ol narapela samting mi bin pilim bipo, na mi bin save olsem olgeta dispela samting i tru.
Tasol dispela taim, mi bin kisim taim stret we mi bin gat planti lain i no laikim mi na tu ol lain i no wanbel wantaim mi. Mi bin pilim olsem mi wanpela tasol, mi bin tait tru, na paul tru. Olsem sapos mi wok long wokim stretpela samting o nogat, na olsem wanem na mi wok long bugim planti traim? Mi i no bin i nap long save olsem ol traim bilong mi em i kamap long gutpela bilong mi. Ol misinari bin tisim mi long lusim kaikai na prei, tu long namel long taim bilong skul. Taim ol samting mekim mi pilim nogut tru mi bin kamsaitim ol wari insait long lewa bilong mi na wan tu tasol mi pilim halivim bilong Spirit.
Long taim bilong mi long baptais i bin gat planti traim tru. Boss bilong mi long wok i bin tok olsem sapos mi no abrusim baptisim bilong mi long wokim wok bilong narapela wanwok bilong mi bai em i rausim mi long wok, long dispela taim tu mi kisim sik long kidni bilong mi na mi i go stap long hausik, na tu ol papa mama bilong mi tokim mi long lusim haus bilong mipela. Wantaim planti bilong ol dispela samting mi i no bin nap long senisim ol, wanpela samting tasol i stap long mi long wokim em long tanim i go long Bikpela.
Olgeta dispela traim mi bin kisim long dispela taim i kamap long gutpela bilong mi. Ol i bin halivim mi long lainim ol doktrin bilong gospel, we i givim mi wanpela as tingting bilong testimoni bilong mi.