LDS nga Edisyon sa Biblia sa Portuguese

Usa ka LDS nga edisyon sa Biblia sa Portuguese ang available na sa internet pagka-Septyembre sa AsEscrituras.lds.org ingon man usab sa Gospel Library mobile application. Ang ubang mga format, sama sa ePub ug PDF nga mga bersyon, available na usab. Ang print version mahimong available sa Marso 2016, ang audio ug Braille nga mga edisyon moabut usab sa 2016.

Ang bag-o nga edisyon, nga giulohan og Bíblia Sagrada, Almeida 2015, gibase sa 1914 nga edisyon sa João Ferreira Annes de Almeida nga hubad sa Biblia, nga napili tungod sa taas nga kalidad sa paghubad niini. Ubos sa direksyon sa Unang Kapangulohan ug sa Korum sa Napulog Duha ka mga Apostoles, usa ka team sa mga General Authority, mga Area Seventy, propesyunal nga mga linguist, ug mga miyembro sa Simbahan nagtrabaho og lima ka tuig sa pagribyu ug pag-andam sa LDS nga edisyon. Dul-an sa 1.4 ka milyon ka mga miyembro sa Simbahan ang Portuguese og sinultihan.