Faia o se Mea Lelei i Lo’u Taimi
O nisi taimi e matuai malulu ma kiona ai le mea o loo matou nonofo ai. O nisi taimi foi matou te nonofo ai i le fale mai le aoga ma tietie i a matou taavale faase’e i lalo o se mauga telē e i autafa o le matou fale. I se tasi aso, a o matou sauni e faamaulu o matou suti mo le kiona, pulou, ma totinilima, sa fai mai lo’u tina ua fai si malulu tele ma savili mo le ō i fafo. Sa ou lagona le māitaita ona sa tatau ona matou nonofo i totonu. Sa amata ona ou faitio, ma sa fai mai lo’u tina, “E tatau ona e alu i luga i lou potu e su’e ai se mea lelei e faaaoga ai lou taimi.”
Ina ua ou taunuu i lo’u potu, sa ou mafaufau pe o le a se mea o le a finagalo le Faaola ou te faia. Sa tonu o le a ou taulotoina Mataupu Faavae o le Faatuatua. Ina ua ou sau i le fogafale i lalo ina ua mavae ni nai itula, sa ou ta’u atu i lo’u tina, lo’u uso ma tuafafine ua ou salamo ona o lo’u maitaita ma ua ou taulotoina uma Mataupu Faavae o le Faatuatua. Sa matuai tete’i lava! Sa ou taulotoina taitasi atu lea mo i latou ma sa ou lagona le fiafia ona sa ou faaaogaina lelei lo’u taimi.
Ou te manatu sa fiafia le Faaola ona sa ou filifili e aoao atili e uiga ia te Ia i le taimi faaopoopo na ou maua i lena taeao. Ou te faafetai i Lona tuuina mai ia te au o se aiga ma tusitusiga paia e fesoasoani tatou te aoao atili ai e uiga i lo tatou Tama Faalelagi ma Lona Alo, o Iesu Keriso.