Ko na Kanga ni Kunea te Korakora ao te Tokanikai
Iroun Unimwaane Jeffrey R. Holland
Man te Kooram n Abotoro n te Tengaun ma Uoman
Man anabootaki n reirei ietan te ai Brigham Young Iuniwetiri ae taekinaki ni Maati 2, 1977.
Tabeman mai buakomi a ataia bwa a kan rikibwa aekakira ao tera ae a kan karaoia inanon aia tai ni maiu, ao tabeman mai ibuakomi a bon aki ataia. Tabeman mai buakomi a taraa n ae a mwaiti kakabwaia nakoia ao aia kantaninga aika mena imwaiia. Tabeman mai ibuakomi kam namakinna, n te tai aei ma tera nako bukina, te aki bati n tekeraoi ao ma tabeua iango aika raraoi a na waetata n roko.
Bwaantai ngkoe ao te tabo ike ko kuneko iai ngkai ko ukoukora kawaim inanon maiu, I anganiko “te kawai, te koaua, ao te maiu” (Ioane 14:6) Ko na nakea riki, I butiko bwa ko na “Nakoina” (taraa Mataio 11:28‒30) ngkai te moan mwaneka ae boongana e aroko ikekei, n ukoukora oin kukureim ma te korakora ao te tokanikai.
Ngke a moan ongo Anterea ao Biribo ana moan taetae Kristo, a rotaki, ao a anaaki nanoia ngaia are a Rimwina ngke E kitaniia aomata. E ataia bwa e iriraki, E rairaki Kristo ao e titirakiniia mwane aika uoman, “Antai ae kam ukoukoria? (Ioane 1:38). Rairairi tabeua a kabebetea ni kangai, “Tera ae kam tangiria?
A kaeka, “Ko memena ia?” ke “Ko maeka ia?”
Ao E taku Kristo “Nakomai ao nooria” Ti tabeua te tai imwiina E wetea Betero ao tabeman taian Abotoro aika tibwa rineaki n te kakao ae tii te arona, “Mai, irirai” (taraa Mataio 4:19).
Taraana irou bwa maiura e kona n noraki inanona bwa mwakoro aika uoua ni moan kaukan rongorongon Ana tai ni maiu te Tia Kamaiu.Te mwakoro teuana bon te titiraki, nakoira n tatabemaniira, Tera ae kam ukoukoria? Tera ae kam tangiria? Te kauoua bon Ana kaeka bwa e na kanga ni karekeaki anne. Antai ngaira ao tera ara kaangaanga, Ana kaeka bon ti te aekakina n aki toki “Nakomai nakoiu” Nakomai noora ae I karaoia ao I kanga ni kabanea au tai Reirei irou, Irirai, ao inanon te waaki N na angani ngkami kaekan ami tataro ao motikan rawami.
Raoraou aika kairake aika tangiraki, Akea te kawai riki ae I ataia are kam na na tokanikai ke ni kukurei ke kam na kamanoaki iai. I aki ataa riki te kawai teuana are kam na kona ni uota uotami ke ni kunea are aranna Iakobo “bwa te kukurei are katauraoaki ibukiia aika itiaki” (2 Nibwaai 9:43). Ao anne bukina bwa ti karaoa te berita ae korakora ae boboto iaon Ana karea ni kamaiu Kristo, ao anne bukina ae ti katoka iaora Arana.
Iesu bon te Kristo, Natin te Atua ae maiu. Aio Ana E karetia ae maiu ao e koaua. E tangirira bwa ti na Nakoina, n Rimwina bwa ti na akoaki Irouna. Ao ngkanne E tangirira bwa ti na akoia tabeman. E na iai ara onimaki ae tau n ni butimwaea raoiroin te Atua ao Ana akoi Natina ae te Rikitemanna. Ti na Nakoina ao Ana Euangkerio ao ti na kamaiuaki.