Te Mweenga: Te Tabo Ae Karekeaki Iai Angiin te Reirei

Ngkana te bwai ae a tia n reiakinaki n te ekaretia e kaineti ma ni boutoka te bwai ae a tia n reiakinaki n te mweenga, ko katea aan maiuakinan te euangkerio ae matoatoa.

“Taiaoka ni kakoaua bwa ko karaoa te wareware are e a tia ni baireaki ibukin te reirei n te wiiki ae na roko.” Ko tataneiai n ongoongo taeka aikanne? Aki toki n titirakinaki iroun te tia reirei n tokin te kiraati n te Ekaretia.

Ao ngkai e rangin ni kakawaki bwa ko na katauraoiko ibukin am reirei n Tabati, ko namakinna n tabetai, ko namakina n tabetai ae kanga boton am kouru te kamatebwai ao n iangoia bwa boni ngaia raoi anne n te aro bwa ko na tauraoi ibukin te Tabati?

Ni bon arona, e riai n angana are teuana.

Ni kabane ana “angareirei, burokuraem, ao ana waaki ni kakukurei te Ekaretia ni kabane a [bane] ni boboto man te mweenga ao ni boutokaaki man te Ekaretia.”¹ Are nanona bwa ara bootaki n te Ekaretia a karaoaki bwa a na boutoka te reirei iroun temanna ma temanna ao te utu. Ngkai te Bitiobi n Tararua Gary E. Stevenson e reirei, “Te moan n tabo n anga reirei ao n reirei bon te mweenga.”² Ngkana te reirei ao te angareirei a boboto n te mweenga, iai irouia te nano ae korakora are e kona ni karika te rairaki.

Anne te rongorongo man te kataneiai irouia mataniwiin bootaki ni katoa ririki are e karaoaki n 2014, Learning and Teaching in the Home and the Church (Te Kamatebwai ao te Angareirei n te Mweenga ao n te Ekaretia), a tauraoi i aonrain n annualtraining.lds.org. “Akea mai ibuakora ae a kamemeerea te reirei ae karaoaki n te umwantabu ke n te autinibootaki,” e taku Unimwaane Jeffrey R. Holland man te Kooram n Abotoro n te Tengaun ma Uoman. “Ti a tia ni karaoa anne inanon maiura, ma ti tangira te reirei bwa e na reitinako karaoana inanon maiura are ti maiuakinna.”³ Ngkana ko karika te aeka n reirei anne inanon maium ma am utu, ao ko kona ni katea aam ae matoatoa ibukin te “auti n reirei” (D&C 88:119) are e na katauraoa te katantan ao te kamanomano n te tamnei nakoim ao nakon am utu.

Te Reirei n te Mweenga

Ko aki kona n tainako ni waekoa n noori mwiia, ma ngkana ko karekei tai aika bebete n reirei ao n angareirei inanon maium ni katoabong, e kona n iai mwiina ae korakora. Aio arona bwa a kanga utu tabeua n tia n ata te kairoro anne inanon maiuia.

Taai aika Bebete

A father and son carrying skateboards as they walk down a wet road.

“E na iai taai aika ti na namakina te aki nakoraoi ni maroroakin tabeua atuun rongorongo n te euangkerio. Angareirei n tiaki raoi angaia a kakabwaiaira n anga reirei aika kakawaki nakoia ara ataei. A mwaiti riki taai n angareirei aika karaoaki n tiaki raoi angaia naba n te bongina nakon taai n angareirei aika baireaki raoi, ngaia ae ti kabonganai taai aikai n reireiniia ara ataei reirei aika kakawaki. Te katoto, I reirei taekan te etieti ngke I bobwai n te titoa. Natiu a reiakinii riki reirei ngkana a noori ao a na kanga ni karaoia.”

Mona Villanueva, Philippines

Mwananga ao Marooro

A mother and her young daughters sitting together on a sofa. They are looking at a magazine.

“I uotia natiu aine nakon te reirei n te bwati ni katoa ingabong, ao e rangin n reke ara tai ni mamaroro. N te tai teuana ae aki maan n nako, ti nora te bumwaane ao te buaine ni kauntaeka. A waekoa n taraai natiu aine ao n tataninga bwa tera ae n na taekinna. Irarikina I tuangia bwa tera ae a namakinna n te bwai are e a tia n riki. A tuangai bwa n aia iango ao te mwaane e aki riai n taetae nakon buna n te aro arei. Imwiin anne, ti maroroakina te mare ao te reitaki. Mwanangara n te bwati ae 30-te miniti iai mwiina ae nakoraoi ao ni kaunganano.”

Mario Lorenz, Guatemala

Te Reitaki n Tain Kanakin te Tinaeki

Mother and children making cookies.

“E a tia te angareirei n tiaki raoi angana ni buokai ni karekea te reitaki ae tamaroa ma natiu. Ngke ti a tekateka n te taibora n amwarake n aia tai ni kang tinaeki imwiin te reirei, ti maroroakina te bwai ae riki n aia tai n reirei. N tainako temanna mai ibuakoia e na taekina te bwai teuana are e taekinna te rao ke e kanga ana namakin teuanne ke neienne ngkana e taekina te bwai teuana te aomata ke ni karaoa te bwai teuana. I kona ngkanne n tibwaua au kakoaua ao ni maroroakinna bwa a kanga au ataei n namakina te aeka ni kangaanga anne. I taku bwa karekean te maroro ae koaua ngkana akea tabeia ataei, a na rangin ni kukurei ni maroroakin bwaai aika kakawaki ngkana iai kainnanoaia ibukina bwa iai te onimakinaki irouia, n ataia bwa ana kakauongo aia karo.”

Alyson Frost, Greece

Te Mronron ni Mwamwannano

Young family in New Zealand. The parents are holding their two boys.

“I ataia ma kainabau bwa bon tabera moa reiakinaia ara ataei ao tiaki tabeia taan kairiiri, ma ti kakaitau ibukin te bwai ae a karaoia ao ti kona n ibuobuoki nakon are ti kona. Iai ara taan kairiiri n ara uoote aika tamaroa aika a kabanea aia tai iaoia kairake ao ataei ao ni karaoa ae a kona ni karaoia ni buokiia n ata aia konabwai ni kaineti ma are a tia ni karaoia aia karo. I a tia ni kaitibo ma te bitiobi iaon bwaai tabeua, ao iai au reitaki ae tamaroa ma taan kairiiri irouia kairake ao n aki toki n titiraki n tainako ibukia au ataei ao aia waaki. Te koaua are ti reitaki ni katoa tai ibukin aia waaki ara ataei e buokira n ataia bwa ti na kanga ni buokia n tatabemania.”

Jesse N. Arumugam, Africa Maiaki

Te Korakora inanon Booki Aika Tabu

Man studying the scriptures.

“E buokai kamatebwaiakan booki aika tabu n reirei taekan Kristo ao anuan maiuna bwa I aonga n riki n ai Arona. E anganai te atatai ae korakora naba n te Tamnei, are e kairai ao n reireinai bwa N na kanga ni karaoi bwai ake I a tia n reiakin bwa I aonga ni kona n tauraoi ni kaitarai taian kakaewenako n te maiu aei ao kataaki mairoun Tatan. N akean te kakabwaia aei ni maiu I a ataia bwa N na aki kona ni kakoroa nanon au konabwai ngkai ngai natin te Atua.”

Nathan Woodward, England

Kamatebwai n te Ekaretia: 10 Reirei Aika A Riai n Atai Taan Reirei

Irarikin are kakorakoraan te mwaaka n reirei ao ni kamatebwai n te mweenga, ti kona naba ni kakorakora te atatai n te kiratiruum n te ekaretia. Ngkai a kabonganai reirei aika tebwina aikai taan reirei, a na karekea te rairaki nakon maiuia naake a reireiniia.

1. Ibuobuoki ma kaaro, ake bon oin tabeia taan reirei, ni kinai kainnanoia kaain te kiraati, ao n reirei nakon kainnano aikanne.

2. Katauraoi ao reirei ma te Tamnei. Kinai titiraki ao waaki n reirei aika a na karekea te Tamnei-kairi maroro ao kairiia kaain te kiraati ma te tamnei.

3. Reireiniia aomata, tiaki taian reirei.

4. Kabanea am tai ma reirein te euangkerio aika kakawaki.

5. Kabanea am tai n anga reirei iaon teuana ke uoua boton reirei nakon ae ko na kataia n rinanon te reirei ni kabane.

6. Kaoa te Tamnei man katabeakiia kaina ni kabane (taraa D&C 88:122).

7. Kairia ma te kakao ae korakora bwa ana karaoia—tiaki ae ko okira mweengam ao ko ti wareware ma okira mweengam ao ni maeuakinna.

8. Tibwaua am kakoaua iaon te reirei—n tokin te kiraati ao n te tai are e taetae nakoim iai te Tamnei.

9. Maiuakina reirein te euangkerio, ao “barongaa” oin mweengam (taraa D&C 93:43–44, 50).

10. Kakaai kawai ake a na waaki nako te reirei rinanon taai aika a kamwengaraoi ni maiura ni katoa bong.

Bwaai aika a na taraki

1. Aeniboki 2: Babairean Aron Kairan te Ekaretia (2010), 1.4.

2. Gary E. Stevenson, inanon “The Ward Council—We’re All in This Together” (Kauntiran te Uoote—Ti Bane Inanon Aei Ni Kabane)” (2014 auxiliary training video (2014 kataneiai irouia taan kairiiri n te witeo), annualtraining.lds.org.

3. Jeffrey R. Holland, inanon te “Learning and Teaching in the Home and the Church (Te Kamatebwai ao te Angareirei n te Mweenga ao n te Ekaretia)—te Mweenga” (2014 auxiliary training video) (te kataneiai irouia taan kairiiri n te witeo), annualtraining.lds.org.

E Reirei Kristo iaon Rarikin Tabuki ao inanon Mweenga

Unimwaane Jeffrey R. Holland

“Te Tia Kamaiu [bon] te Mataniwi n Tia Reirei. … Ti na noori angiin Ana mwakuri n anga reirei. Ao bon akea te reirei anne ae a tia ni karaoaki inanon ana kateitei te ekaretia. Ana reirei e mena n te tabo ae a mena iai aomata. A mena ni kawai aika ririeta ao rirarikin kawai ao irarikin tabuki ao mataniwin taari ao inanon mweenga.”

Unimwaane Jeffrey R. Holland man te Kooram n Abotoro n te Tengaun ma Uoman, inanon “Learning and Teaching in the Home and the Church (Te Kamatebwai ao te Angareirei n te Mweenga ao n te Ekaretia)—te Mweenga” (2014 te witeo ni kataneiai irouia taan kairiiri), annualtraining.lds.org.