Ko na Kanga n Tabekii Titiraki Aika Kakawaki

Iroun David A. Edwards

Ana Maekatin te Ekaretia

Tabekan te titiraki ae etie kona ni buoka kaukan nanoia aomata nakon te kakoaua n te bwai ae koaua.

Head with gears.

Iai am tai n reireiniia aika mena irarikim, bwa tao teuana te miniti manin te maroro iaon te bwati, inanon te reirei n te aro, n te maroro aonraain, ke n ae maan n teuana te kakarabakau ma raom.

Ma ngaia aio buokam ibukin am anga reirei ae kakai ni bwaai nako aika riki: tabeka am titiraki.

Titiraki aika raraoi a karekea te reirei ae nakoraoi, ao n te tekeraoi, tabekan titiraki aika raraoi bon bwaai aika ko kona ni kamatebwai, ni karaoi, ao n reiakina karaoana ae raoiroi. Aio arona.

Tabekii Titiraki aika Kakawaki

Titiraki aika kakawaki bon ngaai ake ko kona n iangoi ao n namakini, bon ngaai akea kairikonakon te koaua, te kakoaua, ao te bitaki, A kona ni kakoroi nanon bwaai aika bubura, ma a na bon iai bwaai tabeua aika e tataneiai te aba iai: (1) a aki bati ni bongana ke ni kamatoaki bwa koaua (e ngae n anne a kona n riki bwa bwain rimwian taian titiraki aika koaua), (2) iai rekerekeia nakon maiura ni katoa bong, ao (3) a kaungaira n anga aika raka nakon ae tii te kaeka ae aki iangoaki raoi.

Uringa bwa Bukintera Ti Titiraki

Taian titiraki a katabeira man kabwarabwarakin te marena inanon ara iango are ti kan karekea. Oina raoi titiraki ake a kaota ana iango te aomata a kona ni karika te waaki are e na riki imwiina.

1. A na anaaki nanoia aomata n te bwai ae ko taekinna

2. A kamanena inaomataia ni iangoi ao n anga te kaeka

3. Kamanenan te inaomata e karokoa te Tamnei ae Raoiroi ni kakoaua nakoia taekan te koaua¹

N iangoan te waaki aei n ara iango, ko na karekea te kantaninga bwa te aekakira te titiraki ae ko na taekinna ao aekakira aika ko na totokoi.

Katoto: N onea mwiin ae ti te titiraki, “Bukintera bwa warekakin booki aika tabu a kakawaki?, ko kona n titiraki, “E kanga kamatebwaiakin booki aika tabu ni karika te bitaki ni maium?

Uringa Ko tabe n Reireiniia Aomata, Tiaki tii te Reirei

Ngkana ko ataia aomata aika ko reireiniia ao n iangoi kainnanoia, ko na rinei titiraki ni katauraoi buokaia, tiaki tii karekean iango ni koaua mairouia.

Katoto: N onea mwiin tii te titiraki, “Baikara kawai ni waakin te rairannano? Ko kona n titiraki, Ko na kanga ni kaetii bwaai ngkana ko ataia bwa ko a tia ni karaoa te bwai ae kairua?

Kamatebwai ao Iango Mwaaka

Ni katauraoi n te anga reirei iaon te euangkerio, kamatebwai booki aika tabuao aia reirei burabeti n taai aikai ao abotoro ao tataro n te aro bwa te Tamnei are Raoiroie kona ni mena iroum ao ake ko reireiniia (taraa D&C 42:14; 50:21‒22).

Ai arona naba, ngkana ko kan titirakiniia aomata te titiraki are na karikiia bwa a na iangoi, ko riai ni karaoa te aeka ni iango naba anne ngkoe i bon iroum. Iangoa raoi te bwai are ko kamatebwaia. Ko na kunea bwa bwaai ake e babane nanom iai n iaiangoi bon titiraki ake ko na titirakinakiko iai inanon kawaim. Kakauongo nakon aekakin titiraki ake ko bon iangoi raoi. Aikai titiraki ake a na kaira te oota ao te kakoaua, aekakin titiraki aikai ake ko kona n tabekingkana ko buokiia tabeman n reiakina taekante euangkerio.

Katoto: N onea mwiin te titiraki, “Ti na kanga ni karekea te tangira ae itiaki?” ko kona n titiraki, “Tera ae ko nanonna n Moronaai 7:48 ngkana e kangai tataro ibukin te tangira ae itiaki ma korakoran nanom’?”

Te Rikirake nakon Titiraki aika Matoatoa ni Mwaneka aika Bebete

N tai tabetai e raoiroi riki te karaurau n titiraki ni kakaean te iango ao taraakim, ma ngaia are ko na tangira te titiraki ni kabwarabwara are bebete kaekana ao ngkanne rimwiana n teuana ke raka riki te titiraki are kairiri riki nakon taian kaeka aika iangoaki raoi. Aikai katoto aika bebete.

Titiraki ni Kabwarabwara	Titiraki n Ruamwi
Terorora Iotebwa Timiti ngke e nakon te Buakonikai ae Tabu?	Nningai ae koa tia iai n tataro nakon Tamara are i Karawa ma aekakinkorakoran nanon Iotebwa?
Ko kakoaua te Atua	Tera te mwakuri ae karaoia te Atua inanon maium?
Tera ae ko atia ni karaoia ni buokiia tabeman n te tai ae nako?	E kanga ataakina bwa ngaira natin te Atua ni bitaaron am iango ibukin te mwakuri n ibuobuoki?

Ngkana ko ukoukoraana kairi te Tamnei ae Raoiroi ngke ko titiraki, ko na tangiria riki n titiraki te titiraki ae e eti n taina ae riai. Ko aki kona n ataia. E kona ni bita maiun temanna.

Bwaai aika a na taraaki

1. “Ko riai ni kamwakura inaomatam n rinerine ni kariaia te Tamnei bwa e na reireiniko” (Richard G. Scott, “N Ukoukora Ana Kairiri te Tamnei,” Riaona, Nobembwa 2009, 8).

Reirei n Taabati

Te Atu n reirei n te Namwakaina aio: N riki n aiaron Kristo

Buoka ibukin Tabekan taian Titiraki

• Tataningai taian kaeka.

• Kamanenai titiraki n ruamwi ni kaunga te iango mwaaka.

• Totokoi titiraki aika a nakarika te aki nanoraoike a karika te kakauntaeka.

• Kamanenai titiraki ni katoatai ake a karekea te iango ae rau.

Ibukin buoka riki tabeua, taraa Teaching, No Greater Call: A Resource Guide for Gospel Teaching (1999), 69–70.

Iira te Kakarabakau

Bwaai aika a na Iangoaki raoi ibukin te Taabati

• Iai ae e a tia n titirakinikote titiraki are karikiko bwa ko na tangiria n ataa riki taekante euangkerio ke ni bita maium ni kawai tabeua?

• E kanga te Tia Kamaiu ni kamanenai titiraki ngke E reirei?

Bwaai aika Ko Kona ni Karaoi

• Ngkai ko kamatebwai booki aika tabu n te wiiki aio, koreirinanin titiraki ake ko iangoi.

• Inanon te ekaretia, tabeka te titiraki bwa mwakoron te maroro n te tabo n reirei.

Tamnein bwaai ni mwakuri iroun Sergey/Hemera/Thinkstock; tamnein te atu iroun joavel/iStock/Thinkstock

Tamnein baai iroun ilyast/iStock/Thinkstock