2014
Isaia
Setema 2014

O Perofeta o le Feagaiga Tuai

Isaia

“O Isaia i tulaga faatonuina uma lava o le perofeta maoae o le Feagaiga Tuai ma i le avea ai faapea o le leo sili ona aati faaperofeta i na faamaumauga.”1

Ata
The Old Testament prophet Isaiah writing on a roll of parchment. Two men (New Testament apostles) are witnessing the event. They are depicted standing behind Isaiah. A landscape of mountains is in the background. Above the landscape is an image of Mary (the mother of Christ), Joseph (the carpenter) and the infant Jesus Christ in the manger. The painting depicts the prophecy of Isaiah regarding the birth of Jesus Christ.

Ua Valoia e le Perofeta o Isaia le Soifua Mai o Keriso, saunia e Harry Anderson; lola na saunia e bubaone/iStock/Thinkstock; ata pito i tua na saunia e forplayday/iStock/Thinkstock

O au o le atalii o Amota, ma o le uiga o lo’u igoa “o le Alii o le faaolataga.”2 Sa ou galue o se perofeta i Ierusalema mo le 40 tausaga, mai le 740–701 t.l.m. Sa ou vavalo i Ierusalema i le taimi o le nofoaiga a tupu e toafa, ma o au sa faufautua sili i le Tupu o Esekia, lea na tuuina mai ia te au le tele o aafiaga faalelotu.3

Sa le gata ina ou valoia mea na tutupu e talafeagai i loʼu lava taimi ma tagata, ae na valoiaina foi mea o le a tutupu e uiga i le lumanai e aafia ai le aiga atoa o tagata. Sa ou muai valoia le soifua mai o le Faaola: “Faauta, o le a to se taupou, ma fanaua se atalii, ma o le a faaigoa lona igoa o Emanuelu.”4 Sa ou folafola atu sa faauuina Ieova “e talai atu le tala lelei i e agamalu; … e fusifusia ai e loto momomo, e talai le saolotoga i e ua faatagataotauaina, ma le tatalaina o le falepuipui ia i latou o e ua noanoatia.”5 Sa ou valoia foi e faapea pe a mavae Lona Afio Mai Faalua, “o le a nofotupu le Alii o au i le mauga o Siona, ma i Ierusalema, ma luma o ona tagata anamua ma le mamalu.”6

O lo’u faaaogaina o faatusa ma solo ua natia ai a’u aoaoga mai ia i latou o e e le o saunia e malamalama pe mulimuli i ai. Ae peitai, o i latou o e suesue ma le filiga i au aoaoga faatasi ma le fesoasoani a le Agaga Paia o le a mafai ona malamalama i a’u valoaga.7

O a’u le perofeta mulimuli o perofeta autu na aoaoina atu ituaiga o Isaraelu a o lei amata ona faataapeapeina i latou mai le Nuu Paia.

Faamatalaga

  1. Jeffrey R. Holland, Keriso ma le Feagaiga Fou: O Le Savali Faamesia i le Tusi a Mamona (1997), 75.

  2. Bible Dictionary, “Isaiah.”

  3. Tagai Taiala i Tusitusiga Paia, “Isaiah”; scriptures.lds.org.

  4. Isaia 7:14.

  5. Isaia 61:1; tagai foi i le Luka 4:16–21.

  6. Isaia 24:23.

  7. Tagai i le Tusi Lesona a Tamaiti Aoga o le Feagaiga Tuai: 1 Tupu−Malaki, 3rd ed. (Church Educational System manual, 2003), 131−35.

  8. Tagai i le Tusi Lesona a Tamaiti Aoga o le Feagaiga Tuai, 131.

  9. Tagai Boyd K. Packer, “O Mea o Loʼu Agaga,” Ensign, Me 1986, 61.

  10. Tagai i le Tusi Lesona a Tamaiti Aoga o le Feagaiga Tuai, 131.

  11. Iosefa Samita—Talafaasolopito 1:40.