Agtutubo
Panangam-ammo ken ni Lelangko
Agnanaed itan ti nagsurat iti Virginia, USA.
Para iti maysa a proyektok iti Young Women, nagboluntarioak a mangtulong ken ni lelangko a mangsapul kadagiti kapuonanna babaen ti panang-scroll kadagiti panid ti microfilm iti family history center iti Mesa, Arizona, USA. Bayat ti panagabaymi iti tugaw ken panagsukisokmi para iti pamiliami, nangrugi a pinanunotko: “Adu kadin ti ammok maipapan ken ni lelangko a katugawko iti abayko?”
Nasarakanmi ti adu a miembro ti pamilia, insaganami ti impormasion, ket napankami iti Templo ti Mesa Arizona tapno aramidenmi dagiti panagbuniag ken kumpirmasion. Saan a nagbayag, inted kaniak ni lelangko ti naurnong a koleksion ti pakasaritaan ti pamiliana.
Gapu ta adda sagsagabaenna a rheumatoid arthritis, nasakit unay ken ni lelangko no agmakinilia. Maragsakanak a mangtulong kenkuana iti kompyuter. Duakami a mangisurat kadagiti estoria manipud iti biagna para iti naespirituan a pagsayaatan ti pamiliami. Pagay-ayatko ti agbalin a paset ti biagna ken adu ti nasursurok maipapan ti pakasaritaan ti Simbaan bayat ti panangipatungpalmi kadagitoy a proyekto.