Na Matamata kei na Sala

Na cakacaka vakalotu kei na veiyalayalati ni matabete e biuti keda ki na sala ni bula tawamudu ka vakalougatataki keda ena igu eda gadreva ena gauna sara ga oqo.

iVakatakilakila

Product Shot from April 2014 Liahona

Eda vakasaqara taucoko na bula tawamudu, ka kena ibalebale na vakabulai kei na vakacerecerei ena ivakatagedegede duadua e cake ni matanitu silesitieli, ka da na rawa ni laki bula kina ena iserau ni Tamada Vakalomalagi vakamatavuvale.

Me ikuri ni vakabauti o Jisu Karisito kei na veivutuni, na cakacaka vakalotu kei na veiyalayalati ni matabete e vakatarai keda meda curuma na sala ka na basika ki na bula tawamudu. Veitalia se gauna cava o butuka kina na sala oqo se vanua cava ena tolonisala o tu kina—se o a sucu ena loma ni Lotu se o qai saumaki mai kina e muri, se o bulabula tu ga vakalotu ena nomu bula taucoko se o se qai lesu tale tiko mai ki na Lotu—ena rawa ni o toso tikoga ena sala oqori ni o vakanamata tikoga ena nomu veiyalayalati kei na veika e rawa ni o cakava mo ciqoma kina ka maroroya.

Ka sa bibi me da kila ni cakacaka vakalotu ni matabete kei na veiyalayalati e sega ni yalataka walega na veisiga ni mataka lagilagi. Era solia talega vei keda na igu, na vakacegu, kei na veitokoni eda gadreva ena gauna sara ga oqo me rawa kina ni da muria na sala ka vosota ki na ivakataotioti ena buladodonu.

Matamata

Sala ki na bula tawamudu (vosota tiko ki na ivakataotioti)

Raica na 2 Nifai 31

Cakacaka Vakalotu kei na Veiyalayalati Veiganiti

iVakatakilakila
Elder Quentin L. Cook

“Na ka e bibi ni lewa ni matabete ena Lotu ka na vakarautaka na cakacaka vakalotu tabu kei na veiyalayalati ka na vauca vata na matavuvale me rawa ki na tamata yadua me lesu tale vua na Kalou na Tamada kei Jisu Karisito ena matanitu silesitieli. Na cakacaka vakalotu oqo ena kauta mai na vakacegu baleta ni ra veiyalayalati era vakayacori vata kei na Turaga.”

Elder Quentin L. Cook ena Kuoramu ni iApositolo Le Tinikarua, “Na Bula Vakacegu Yadua: Na iSau ni iValavala Dodonu,” Liaona, Me 2013, 34.
- Papitaiso
- iSolisoli ni Yalo Tabu
- Soli ni matabete kei na veitabaki (vei ira na CAURAVOU)
- Edaumeni ni Valetabu
- Veivauci ni Valetabu
Vakavoui ka Vaqaqacotaki na Cakacaka Vakalotu

iVakatakilakila
Elder Neil L. Andersen

“Ni o vakaitavitaki iko ena veicakacaka vakalotu ni matabete ni kilikili tu na nomu bula, ena solia vei iko na Turaga na igu, na sautu, kei na ivakarau ni rai tawamudu e cecere cake.”

Elder Neil L. Andersen ena Kuoramu ni iApositolo Le Tinikarua, “Kaukauwa e Tiko ena Matabete,” Liaona, Nove. 2013, 95.
- Sakaramede—vakavoui e veimacawa ni veiyalayalati ni papitaiso
- Veivakalougatataki vakapeteriaki—veituberi digitaki ki na tamata yadua kei na kalougata yalataki
- Veivakalougatataki vei ira na tauvimate—veivuke kei na veivakabulai
- Veivakalougatataki vakatama kei na veivakalougatataki tale eso ni veivakacegui kei na ivakasala—sautu kei na veituberi ena gauna e gadrevi kina

Bula tawamudu (MATANITU SILESITIELI KEI NA MATAVUVALE)

Veivuke ena iLakolako

iVolanikalou—Veituberi kei na veidusimaki ciqomi me tiki ni veiyalayalati vua na Kalou kei ira na Nona tamata (raica na V&V 84:57)

Masu—“[Na iVakavuvuli] sa solia tu vei keda na veiyalayalati me da ‘dau nanumi Koya tikoga’ kei na ivakasala me da dau ‘masu tikoga’ me rawa kina ni da vakaraviti keda ki Vua, oqori duadua noda itataqomaki” (Peresitedi Henry B. Eyring, iMatai ni Daunivakasala ena Mataveiliutaki Taumada, “Always,” Ensign, Okot. 1999, 9).

Veiqaravi—vakayacora noda veiyalayalati ena noda qarava na Kalou kei ira na Luvena, oka kina na veikacivi, cakacaka ni valetabu kei na volai ni kawa, wasei ni kosipeli, veiqaravi vakadaukaulotu tudei

Veivutuni—noda nanuma tiko noda veiyalayalati ka toro voleka vua na iVakabula ni da sa lako sese voli, so na gauna e oka kina na veivuke mai vei ira na veiliutaki ni matabete