Tub Hluas Ntxhais Hluas
Lub Tuam Rooj Sab Laj thiab Kuv
Tus sau zaj no nyob hauv Toronto, Canada.
Thaum yav tas los kuv tau xav tias lub tuam rooj sab laj ntev thiab ua rau kuv dhuav siab, tiam sis thaum sij hawm dhau mus, ua rau kuv nyiam heev thiab xav saib. Lub weekend rau lub tuam rooj sab laj pab kuv sab ntsuj plig muaj zog, tiam sis yooj yim cia tej kev xav li no ploj mus thaum yus pib ua neej hnub Monday tom qab ntawd. Tej lub tswv yim no tau pab kuv kawm ntau npaum li kuv kawm tau los ntawm lub tuam rooj sab laj.
Kuv npaj kuv tus kheej rau lub tuam rooj sab laj thaum kuv sau tej lus nug, ces kuv sau ntawv thaum lawv teb kuv tej lus nug. Tom qab ntawd, kuv nyiam download tej zaj lus hais thiab tej zaj nkauj los ntawm lub tuam rooj sab laj LDS.org thiab tso rau ib lub tso MP3 kuv thiaj yuav mloog tau ib zaj los yog ib zaj nkauj thaum kuv ua hauj lwm. Kuv kuj nyiam kawm txog lub rooj sab laj los ntawm phau Liahona. Kuv nyiam kos kom cim rau tej yam ceem tseeb thiab sau ntawv rau ntawm ntug ntawv. Thaum muaj lub rooj sab laj dua, kuv twb tau siv kuv phau ntawv no ntau heev. Tej lub sij hawm kuv tsev neeg kawm tej zaj lus ua ke nyob hauv tsev neeg hmo ua ke.
Peb yuav tsum ua hauj lwm kom muaj tej kev xav zoo li peb muaj hauv lub rooj sab laj txhua lub sij hawm thiab kom kawm ntxiv mus, tiam sis qhov uas kuv ua li no tau foom koob hmoov ntau rau kuv. Kuv twb txais lub dag zog ntau thiab kev coj thaum kuv tau kawm tej zaj lus los ntawm lub tuam rooj sab laj, thiab kuv paub tias tej zaj no yog los ntawm Vajtswv los.