Autalavou
O Le Auaunaga o le Taumafanafana
E alala le tusitala i Virgina, ISA.
I se tasi taumafanafana sa ou faaaluina le taimi i se atunuu ese e galulue ai ma fanau e i ai manaoga faapitoa. Ina ua ou feiloai muamua i le fanau, sa ou matua popole lava. Sa ou le tautala i la latou gagana, ae sa ou talitonu o le a taialaina a’u e le Agaga i a’u fegalegaleaiga. Ina ua ou masani i tamaiti taitoatasi, sa ou iloaina o le gagana e le o se pa pupuni i le alofa. Na matou taaalo, talie, ma faia galuega taulima ma tamaiti ma ua le mafai ona taofia le lagona o le alofa atoa mo i latou. Sa ou tepa i le alofa na i ai a le Tama Faalelagi mo Ana fanau, ma o le olioli na faatumulia ai lo’u loto na le mafai ona faamatalaina.
Soo se taimi lava ou te auauna atu ai i isi, ou te lagona le alofa e le gata mo i latou o e sa ou auauna atu i ai ae faapea foi mo le Tama Faalelagi. Ua ou iloa moni lava “pe a outou auauna atu i o outou uso-a-tagata, ua nao lo outou auauna atu lava lea i lo outou Atua” (Mosaea 2:17). O le faamoemoega o la’u auaunaga, pe i galuega faatino tetele po o faatinoga laiti o le agalelei, sa faia lea e viia ai le Atua (tagai i le Mataio 5:16). Ou te faamoemoe faapea ao ou auauna atu i isi, o le a iloa e tagata lo’u alofa mo le Tama Faalelagi ma le Malamalama o Keriso lea o loo mumu i totonu ia te au.