Sauniuni e Avea ma se Aiga e Faavavau

Saunia e Marco Castro Castro

E leai se fua faamaneta mo le manuia i le faaipoipoga, peitai e tutusa lava ia mea e gaosia ai.

Sa ma matauina ma lo’u toalua ma le faanoanoa ma le ofo ao aafia ai nisi o a maua uo i le faagasologa o le tatalaina o faaipoipoga. O le mea muamua sa ma lagonaina o le fefe nei tupu lenei mea ia i maua pe afai ma te feagai ma ni luitau faigata o le ma faaipoipoga. Ina ua tulai mai se faafitauli ogaoga i le ma faaipoipoga, sa ma filifili e toe tuuina ia i maua se avanoa mulimuli—ae ia faia i le ala sa’o. Ua leva ona ma taumafai mo sina taimi e foia a maua faafitauli e ala i le faaaloalo i manatu ma lagona o le isi. O le a faaleleia ai la maua sootaga mo sina taimi le tumau, ae a mavae se taimi o le a toe foi mai lava a maua faafitauli.

Ana ma leiloaina lava o loo manaomia le faia e le Alii o se matafaioi iloga i le ma faaipoipoga semanu e le amata ona i ai ni suiga o le ma faaipoipoga. Sa ma iloaina o le a le mafai lava ona ma galulue, pe itiiti foi se faamoemoe o le foiaina, e i maua lava o a maua feeseeseaiga. O le tuueseina o lo maua faamaualuga, sa ma faia ai se mea ma te lei faia muamua. Na ma faagaloina o maua manatu ma ole atu i le Alii po o le a Sona finagalo mo i maua. Pe ana ma lē faaaofiaina o Ia i le ma faaipoipoga semanu e le amata faaleleia—lemu ma i Lana ala ma i Lana lava taimi.

I le taimi nei ua tele ni nai tausaga talu ona ma tootutuli i le fata faitaulaga o le Malumalu o Santiago Chile, ma na ma feagai ma le tele o luitau ma faigata tetele. O le toe tepa i tua, e mafai ona ma faapea atu ai o mea uma na ma oo i ai na avea lea mo lo maua lelei. Na aoaoina i maua e luitau ma faigata ina ia lotomaualalo ma ua faamalolosia atili ai i maua. O loo ma aoao pea i le ala e faatulaga lelei ai o maua olaga—o le ma aoaoina uma e galulue faatasi o ni paaga tutusa i le alofa ma le malamalama—ma sa matua aoga lava le taumafaiga.

E leai se fua faamaneta mo le manuia i le faaipoipoga. E maua mea e fausia ai e maua, e pei lava ona i ai i taimi uma, i le talalelei a Iesu Keriso. O lea la, i le avea ai o se aiga, ua matou tusia se tautinoga matou te faaaogaina faatasi ma le folafolaga i le aiga ua tuuina mai e ala i le Au Peresitene Sili ma le Korama a Aposetolo e Toasefululua.¹ O la matou tautinoga, ua faaautuina “Sauniuni e Avea ma se Aiga e Faavavau,” e amata i upu nei: “O i matou, o le aiga o Castro Martínez, ua molimau atu o le faaipoipoga e faauuina e le Atua ma o sootaga faaleaiga e mafai ona faavavau e ala i le Togiola a Iesu Keriso pe afai tatou te usiusitai i tulafono ma sauniga o le talalelei.”

O mataupu faavae nei e 17 lea i la maua faamasinoga e aofia ai tulaga faatauaina autu o le talalelei lea o le a aumaia ia i maua le avanoa sili mo le manuia o la maua faaipoipoga, ma lo maua aiga. O le ma lisi e le o se tulaga o le tetee; e aofia ai mea e pei o tatalo faaletagata lava ia ma faaleaiga, suesueina o tusitusiga paia, afiafi faaleaiga i vaiaso taitasi, auai i sauniga o le Aso Sa, auai e le aunoa i le malumalu, taulimaina o isi i le alofa ma le faaaloalo, ma le tuuina atu o se auaunaga. Ua ma iloa foi o mataupu faavae a ia e leai ai se aafiaga o soo se ituaiga—e tatau ona ma faataitaia i latou.

O le tuueseina o lo ma faamaualuluga ma le faaaogaina o le Alii ma Lona finagalo i la maua faaipoipoga ua tuu ai i maua i le ala e avea ai ma se aiga e faavavau.

E alala le tusitala i Valparaíso, Chile.