Molimau Faapitoa
Aisea e matuai taua ai le auauna atu i isi?
Mai le “Ia Auai ma le Naunautai,” Liahona, Nov. 2012, 29–31.
Ata
Elder M. Russell Ballard
O sui o le Korama a Aposetolo e Toasefululua o ni molimau faapitoa a Iesu Keriso.
E masani ona tali mai le Tama Faalelagi i tatalo a se isi tagata e ala mai ia i tatou—e ala mai ia te oe ma au.
O Iesu Keriso na aoao mai e tatau ona tatou alolofa atu i le Atua ma alolofa ma tausia o tatou tuaoi.
Pe a tatou faia se galuega faigofie, galuega o le auauna atu i aso taitasi, o le a faasuamalieina ma faafaileleina ai le lalolagi i le faamoemoe ma le alofa mama.
Tatalo i le Tama Faalelagi i taeao uma ia iloa se avanoa e auauna atu ai. Ona alu lea i le aso atoa ma vaavaai mo se tasi e fesoasoani i ai.